وبلىستا ۇستىمىزدەگى جىلى «اق بۇلاق» باعدارلاماسى اياسىندا 12 نىسان پايدالانۋعا بەرىلمەك. جالپى, 2011-2013 جىلدارى وبلىستا اتالمىش باعدارلاماعا 12,6 ميلليارد تەڭگە ءبولىنىپ, 57 اۋىلدىق ەلدى مەكەندى اۋىزسۋمەن قامتاماسىز ەتۋ نىساندارىنىڭ قۇرىلىسى جۇرگىزىلسە, 40 اۋىلدىق ەلدى مەكەندەردە اۋىزسۋ نىساندارى پايدالانۋعا بەرىلدى.
سونىڭ ناتيجەسىندە, بۇگىنگى تاڭدا وبلىستىڭ 373 اۋىلدىق ەلدى مەكەنىنىڭ 208 نەمەسە 55,8 پايىزى ورتالىقتاندىرىلعان اۋىزسۋمەن قامتاماسىز ەتىلدى. اتالعان اۋىلدىق ەلدى مەكەندەردە 452 مىڭنان اسا حالىق تۇرادى.
ۇستىمىزدەگى جىلى اۋىلدىق ەلدى مەكەندەردى سۋمەن قامتاماسىز ەتۋ ءۇشىن 18 نىساننىڭ قۇرىلىسىنا جانە جوبا ازىرلەۋگە 4,2 ميلليارد تەڭگە ءبولىندى. ونىڭ 12 نىسانىن وسى جىلى پايدالانۋعا تاپسىرۋ جوسپارلانىپ وتىر.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.