سيريانىڭ سولتۇستىگىندە بۇلدىرشىندەردى جانكەشتىلىككە دايىندايتىن جاتتىعۋ لاگەرى قۇرىلدى. بۇل تۋرالى يتار-تاسس اگەنتتىگى حابارلادى.
«اشبال ال-اازز» لاگەرىندە 7-دەن 13 جاسقا دەيىنگى 50-گە جۋىق بالا دايىندىقتان وتۋدە. جاتتىعۋ لاگەرى ار-راكا قالاشىعىنىڭ شىعىسىنداعى ات-تابكا دەپ اتالاتىن جەردە ورنالاسقان.
لاگەردەگى جاتتىقتىرۋشىلار بالالاردىڭ كەز-كەلگەن بۇيرىقتى بۇلجىتپاي ورىندايتىندارىن ايتادى. كوبىنەسە سيريانىڭ كەدەي وتباسىنان شىققان بالالارىن ءتۇرلى تاپسىرمانى ورىنداتۋعا وڭاي كوندىرۋگە بولادى ەكەن. «اشبال ال-اازز» لاگەرىندە بالالاردى جانكەشتىلىككە دايىنداۋعا 25 كۇندەي ۋاقىت جۇمسالادى ەكەن. كۋرسانتتار 13 ادامنان توپقا ءبولىنىپ, ولاردىڭ ىشىنەن ءار توپقا باسشى تاعايىندالادى. جانكەشتىلەر مەكتەبىندە زاماناۋي قارۋلاردى بىلىكتىلىكپەن قولدانۋدى ۇيرەتۋگە باسىمدىق بەرىلەدى. ال دايارلىق كۋرسىنان وتكەن بالا «يراك پەن لەۆانت يسلام مەملەكەتى» ەكسترەميستىك توبىنىڭ مۇشەسى بولادى.
ايدار ورىسباەۆ.
دەرەككوز: Itar-tass.com.
فوتو: Newsstreet.ru.