شقو-دا قار كوشكىنىنىڭ الدىن الۋ ءۇشىن جاساندى جولمەن قار كوشكىنى ءتۇسىرىلدى. بۇل شارالار قاۋىپسىزدىكتى قامتاماسىز ەتۋ ماقساتىندا جۇزەگە اسىرىلدى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قار كوشكىنىنىڭ الدىن الۋ شارالارى «التاي-پۋتينتسەۆو» جانە «التاي-بوگاتىرەۆو» تاسجولدارىندا جۇرگىزىلدى.
ء«بىر اپتادان كەيىن كوكتەم كەلەدى. بۇل قار كوشكىنى ءجۇرۋ قاۋپى ەڭ جوعارى كەزەڭ. الايدا قازىردىڭ وزىندە اۋا تەمپەراتۋراسى كۇرت جىلىپ, جاۋىن-شاشىن جاۋىنا بايلانىستى وبلىستا كوشكىن ءجۇرۋ قاۋپى تۋىنداعان. سوعان وراي «قازسەلدەنقورعاۋ» شقو فيليالىنىڭ ماماندارى ەكى جولدا پروفيلاكتيكالىق كوشكىن ءتۇسىرۋ جۇمىستارىن جۇرگىزدى», دەپ حابارلادى ۆەدومستۆو وكىلدەرى.