18 اقپان كۇنى يون تەڭىزىندە بورتىندا 237 جولاۋشىسى بار لاينەردە ءورت شىقتى, دەپ حابارلايدى Egemen.kz France-Presse اگەنتتىگىنە سىلتەمە جاساپ.
«بورتتا 51 ەكيپاج مۇشەسى دە بولعان. وقيعا ورنىنا ءۇش پاترۋلدىك قايىق پەن جاعالاۋ كۇزەتىنىڭ ءۇش بۋكسيرى جىبەرىلدى», دەلىنگەن جەرگىلىكتى پوليتسيا قىزمەتىنىڭ مالىمدەمەسىندە.
وقيعا گرەكيانىڭ كورفۋ ارالىنىڭ جاعالاۋىندا بولعان.
الدىن الا مالىمەت بويىنشا, ەشكىم زارداپ شەكپەگەن. ءورتتىڭ شىعۋ سەبەبى ءالى بەلگىسىز, وقيعانىڭ ءمان-جايى انىقتالىپ جاتىر.