ەر مەرەيى – ەل مەرەيى

ەلباسى شەشەن سويلەيدى. ول مىنبەرلەردە وي تولعاعاندا, كوسەم­دىگى مەن كورەگەندىگىنە دە ءسۇي­سىنىپ وتىراسىڭ. ەلباسىنىڭ نيدەر­لاندتاعى جاھاندىق سامميتتە ءسوي­لەگەن سوزىندە قوعامدا بولىپ جات­قان ساياسي وقيعالاردى تالداپ, وعان دۇرىس شەشىم قابىلداۋداعى ۇسىنىس-پىكىرلەرى كوپشىلىكتىڭ كوڭى­لىنەن شىققانى انىق. اسىرەسە, بەيبىتشىلىكتى جانى سۇيەتىن, ىنتى­ماقتاستىققا ىقىلاسى ەرەكشە اۋاتىن ەلباسىنىڭ يادور­لىق قارۋ­لاردان باس تارتۋ كەرەكتىگى جونىندەگى بارشا مەم­لەكەتتى ءما­مىلەگە شاقىرۋى وڭدى ءىس. ەلباسى سەمەي يادرولىق سىناق پوليگونىن جاۋىپ, قۋاتى جاعىنان الەمدەگى ءتورتىنشى زىمىراندىق-يادرولىق ارسەنالدان باس تارتتى. وسىلايشا ەلىمىزدى يادرولىق قارۋدىڭ قاسىرەتىنەن, قاۋپىنەن قۇتقاردى. رەتى كەلگەندە ايتا كەتۋ كەرەك, بىرىككەن ۇلتتار ۇيى­مىنىڭ باس اسسامبلەياسى قازاق ەلىنىڭ باستاماسى بويىنشا 29 تامىزدى يادرولىق سىناقتارعا قارسى حالىقارالىق ءىس-قيمىل كۇنى دەپ جاريالاۋ تۋرالى قارار قابىلدادى. مۇندا ەلباسىنىڭ ۇلكەن ۇلەسى جاتىر. وسى جولعى سوزىندە دە پرەزي­دەنت نۇرسۇلتان نازارباەۆ رادياتسيا كەڭ دالامىزدى ۋلاپ, بۇكىل تىرشىلىككە قاۋىپ كەل­تىرگەنىن, قازاقستاندىقتاردىڭ دەنساۋلىعىنا زالالىن تيگىزگەنىن ايتا كەلىپ, كەڭەستىك باسشىلىقتىڭ قاتاڭ قارسىلىعىنا قاراماستان, پوليگوندى جابۋ تۋرالى جار­لىققا قول قويعاندىعىنا دالەل­دەر كەلتىرە وتىرىپ, قارۋ جاساۋدان, ونى سىناۋ­دان ءالى دە باس تارتقىلارى كەلمەي وتىرعان «كوسەمدەردىڭ» ساناسىن سەلت ەتكى­زەردەي ەتىپ ايتتى. ەلباسى اتاپ وتكەندەي, يادرولىق قارۋدان باس تارتۋ قازاقستان ءۇشىن باتىل قادام بولدى. بۇل ءۇردىس باسقا مەملەكەتتەردە ءوز جالعاستىعىن تاۋىپ, ماسەلەن, رەسەيدە جاڭا جەر, امە­ريكادا نەۆادا, فرانتسيادا مورۋرورا, قىتايدا لوبنور سىناق الاڭدارى جابىلدى. پرەزيدەنتتىڭ بىرەگەي باستاماسىنىڭ ارقاسىندا جالعىز قازاقستاندىقتار عانا ەمەس, جوعارىدا اتالعان مەملەكەتتەردىڭ حالقى بەيبىت زاماندا, قارۋدىڭ ءدۇمپۋىنسىز شات-شادىمان ءومىر ءسۇ­رىپ جاتىر. ءبىز ەلىمىزدىڭ بولاشاعى, الەمدەگى تىنىشتىق ءۇشىن الداعى ۋاقىتتا يادرولىق قارۋلاردان مۇلدەم باس تارتۋ ماقساتىندا قولدان كەلگەننىڭ ءبارىن جاساۋعا ءتيىسپىز. ادام قورقىنىشسىز ءارى ۇرەيسىز تىنىش ءومىر سۇرگىسى كەلەدى. ونداي ءومىر ءۇشىن يادرولىق, باكتەريولوگيالىق, حيميالىق قارۋدىڭ قاجەتى جوق. وسى جولعى ەلباسىنىڭ ساليقالى دا سالماقتى ءسوزىن قولداي وتىرىپ, بارشامىز يادرولىق قارۋلارعا قارسى ءۇن قوسۋىمىز كەرەك دەپ ويلايمىن. مارات مالتەكباسوۆ, ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ءبىرىنشى پرورەكتورى, پەداگوگيكا عىلىمدارىنىڭ دوكتورى. تالدىقورعان.