قارجىلىق مونيتورينگ اگەنتتىگىنىڭ قاراعاندى وبلىسى بويىنشا اۋماقتىق دەپارتامەنتى Qamqor جەدەل الدىن الۋ ءىس-شاراسى اياسىندا قارتتار ءۇيى تۇرعىندارىنىڭ, سولاردىڭ ىشىندە 30 مۇگەدەكتىڭ جانە 60 زەينەتكەردىڭ زەينەتاقى تولەمدەرى مەن جاردەماقىلارىن ۇرلاۋدىڭ قىلمىستىق سحەماسىن انىقتالدى.
«قازپوشتا» فيليالىنىڭ قاتىسۋىمەن 5 جىل بويى قارتتار ءۇيىنىڭ قىزمەتكەرلەرى زەينەتكەرلەر مەن مۇگەدەكتەرگە ارنالعان جاردەماقى مەن زەينەتاقىنى وزدەرى يەلەنگەن.
اعىمداعى جىلدىڭ 18 قاڭتار كۇنى پاتەرلەردىڭ بىرىندە جەدەل-iزدەستiرۋ ءىس-شاراسىنىڭ ناتيجەسىندە قىلمىسكەرلەر 1,3 ملن تەڭگە كولەمىندەگى ۇرلانعان قاراجاتتى ءوزارا ءبولىسۋ كەزىندە قىلمىس ۇستىندە ۇستالدى.
ءىس جۇزىندە بۇل اقشا اعىمداعى جىلدىڭ قاڭتار ايىندا 25 زەينەتكەر مەن مۇگەدەككە تولەنەتىن الەۋمەتتىك تولەمدەرگە ارنالعان.
اتالعان فاكتى بويىنشا قىلمىستىق كودەكستىڭ 190-بابى 3-بولىگى 3-تارماعىمەن قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلۋدە.