2022 جىلعى 1 قاڭتاردا قازاقستاندىقتاردىڭ زەينەتاقى جيناقتارى 13 070,1 ملرد تەڭگەنى قۇراپ, جەلتوقسان ايىن قاراعاندا 298,7 ملرد تەڭگەگە نەمەسە 2,2%-عا ازايدى, دەپ حابارلايدى Egemen.kz.
«سونىمەن قاتار, 2021 جىلدىڭ جەلتوقسان ايىندا زەينەتاقى اكتيۆتەرىن ينۆەستيتسيالاۋدان تۇسكەن تازا تابىس 16,7 ملرد تەڭگەگە, 2022 جىلعى 1 قاڭتارداعى جاعداي بويىنشا 6 912 ملرد تەڭگەگە دەيىن ۇلعايدى», دەپ حابارلادى ۇلتتىق بانك.
2022 جىلعى 1 قاڭتارعا سالىمشىلاردىڭ مىندەتتى زەينەتاقى جارنالارى بويىنشا جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 10,9 ملن شوتتى قۇرادى.
2021 جىلدىڭ جەلتوقسان ايىندا زەينەتاقى تولەمدەرىنىڭ سوماسى 507,7 ملرد تەڭگەگە جەتتى.
2022 جىلعى 1 قاڭتارداعى جاعداي بويىنشا بجزق جيىنتىق ينۆەستيتسيالىق پورتفەلىنىڭ نەگىزگى ۇلەسىن قر مەملەكەتتىك باعالى قاعازدارى مەن قر ەميتەنتتەرىنىڭ مەملەكەتتىك ەمەس باعالى قاعازدارى (زەينەتاقى اكتيۆتەرىنىڭ جالپى كولەمىنىڭ تيىسىنشە 38,9% جانە 22,9%) الادى.