قازاقستاندىق تەننيسشى اننا دانيلينا شيرەك فينالعا جولداما الدى

دانيلينا برازيليالىق بەاتريس اد­داد مايامەن بىرگە ءۇشىنشى اينالىم­دا يسپانيالىق الەنا بولشوۆا مەن نور­ۆەگيالىق ۋلريككە ەيكەريمەن شەبەرلىك بايقاستى. يسپانيالىق-نورۆەگيالىق جۇپ ءبىرىنشى پارتيادا 6:4 ەسەبىمەن باسىمدىق تانىتقانىمەن, ەكىنشى سەتتە بەاتريس پەن اننا 6:3 ەسەبىمەن ەسە قايتاردى. ءۇشىنشى, شە­شۋشى پارتيادا قازاقستاندىق-برازيليالىق جۇپ 1:4 ەسەبىمەن جەڭىلىپ جاتىپ, تارازى باسىن تەڭەستىرە ءبىلدى. سودان كەيىن تاي-برەيكتە جەڭىستى ج ۇلىپ الدى – 7:6 (10:5). ەندى اننا مەن بەاتريس جارتىلاي فينالعا شىعۋ ءۇشىن شۆەتسيالىق رەبەككا پەتەرسون – رەسەيلىك اناستاسيا پوتاپوۆامەن وينايدى.

سونداي-اق وسى ءتۋرنيردىڭ جاسوسپىرىمدەر اراسىنداعى باسەكەسىندە سىنعا ءتۇسىپ جاتقان قازاقستاندىق ماكسيم باتيۋتەنكو جارىستى ءساتتى باستادى. تەمىرتاۋ قالاسىنىڭ تۋماسى باستاپقى كەزدەسۋىن ۇلىبريتانيالىق مەتتيۋ رانكينمەن وتكىزىپ, ەكى سەتتە 6:4, 6:3 ەسەبىمەن جەڭىسكە جەتتى. م.باتيۋتەنكو ەكىنشى اينالىمدا فرانتسيالىق ارتۋر حەا نەمەسە ليتۆالىق ەداس بۋتۆيلاستىڭ بىرىمەن كەزدەسەدى.