«Chevron» كومپانياسىنىڭ باس ديرەكتورى مايكل ۆيرت پرەزيدەنت قاسىم-جومارت توقاەۆقا جولداعان حاتىندا قازاقستاندىقتارعا قولداۋ ءبىلدىردى, دەپ حابارلايدى Egemen.kz.
«قازاقستاننىڭ بايىرعى دوسى جانە سەرىكتەسى رەتىندە, ءبىز «Chevron»-دا وتكەن اپتادا بولعان وقيعالارعا قايعىرىپ, سىزگە جانە قازاقستان حالقىنا كوڭىل ايتامىز. ءبىزدىڭ ويلارىمىز وسى قيىن-قىستاۋ كەزەڭدە قازاقستان حالقىمەن بىرگە جانە ءبىز قازاقستانعا قازىرگى قيىنشىلىقتاردى تەزىرەك ەڭسەرۋگە دەگەن ىزگى تىلەكتەرىمىزدى جولدايمىز», دەدى ول.
ونىڭ ايتۋىنشا, ەلدەگى كومپانيا كاسىپورىندارىنىڭ پەرسونالىنا ەرەكشە كوڭىل ءبولىنىپ وتىر.
«قازاقستانداعى قىزمەتكەرلەرىمىزدىڭ قاۋىپسىزدىگى مەن اماندىعى باسىمدىعىمىز بولىپ قالۋدا. ءبىز تەڭىزدە تۇراقتى, قاۋىپسىز جانە سەنىمدى جۇمىستى قامتاماسىز ەتۋ ءۇشىن بارلىق كۇش-جىگەرىمىزدى سالۋدى جالعاستىرامىز جانە «تەڭىزشەۆرويل» قىزمەتكەرلەرىنە ءوز ىسىنە ادالدىعى ءۇشىن العىسىمىزدى بىلدىرەمىز», دەدى مايكل ۆيرت.
حاتتىڭ كوشىرمەسى قازاقستان رەسپۋبليكاسىنىڭ امەريكا قۇراما شتاتتارىنداعى ەلشىسى ەرجان اشىقباەۆتىڭ تۆيتتەردەگى پاراقشاسىندا جاريالاندى. ديپلومات «Chevron» باس ديرەكتورىنا قولداۋ كورسەتكەنى ءۇشىن العىس ايتىپ, ەلدىڭ ۇكىمەتى ينۆەستورلاردىڭ قازاقستاننىڭ ەكونوميكالىق تۇراقتىلىعىنا دەگەن سەنىمىن ساقتاۋ ءۇشىن بارلىق مۇمكىن شارالاردى قابىلدايتىنىنا سەندىردى.