تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى بايلانىس وپەراتورلارىمەن بىرگە ەلىمىزدەگى توتەنشە جاعداي كەزىندە قازاقستاندىقتارعا قولداۋ كورسەتۋ ءۇشىن بىرقاتار ءىس-شارا كەشەنىن ۇسىندى.
ماسەلەن, «قازاقتەلەكوم» جەكە تۇلعالارعا قاڭتار ايىندا تەلەكوممۋنيكاتسيا قىزمەتىنە تولەماقىنى كەشىكتىرگەنى ءۇشىن تولەنەتىن وسىماقىنى الىپ تاستادى. سونداي-اق iD TV جانە TV+ تسيفرلى تەلەديدار قىزمەتى تىركەلگەن ينتەرنەت قىزمەتىن قولدانۋشىلاردىڭ بارلىعىنا ينتەرنەت بولماعان جاعدايدا دا قۇرىلعىدا, قوسىمشادا, tv.telecom.kz سايتىندا قولجەتىمدى. بۇگىندە اتالعان قىزمەت قازاقستاندىق تەلەارنالاردى رەترانسلياتسيالاۋدا. كەيىن TV+ سەرۆيسى باسقا دا وپەراتورلاردىڭ, سونىمەن قاتار ءموبيلدى وپەراتورلاردىڭ جەلىلەرىندە ۇسىنىلادى.
«قازاقتەلەكوم» اق ابونەنتتەرىنە 31 قاڭتارعا دەيىن شەكتەۋسىز قالاارالىق تەلەفون شالۋعا, سونىمەن قاتار ەلىمىزدەگى بايلانىس وپەراتورلارىنىڭ ءموبيلدى نومىرلەرىنە تىركەلگەن قالالىق نومىرلەرگە قوسىمشا تولەمسىز حابارلاسۋ ءۇشىن 1000 مينۋت تەگىن تاراتتى. «كار-تەل» (Beeline Kazakhstan) اق-نىڭ وتاندىق تەلەارنالار مەن ويىن-ساۋىق كونتەنتىن تاماشالاۋعا مۇمكىندىك بەرەتىن BeeTV سەرۆيسى دە قولجەتىمدى, ال Beeline ءموبيلدى قوسىمشاسىندا ينتەرنەت بولماسا دا «مەملەكەتتىك جاڭالىقتار» ايدارىندا سوڭعى اقپاراتتاردى كورۋگە بولادى. بۇعان قوسا, مەملەكەت باسشىسىنىڭ تاپسىرماسىنا سايكەس Beeline, Kcell, Activ, Tele-2, Altel بايلانىس وپەراتورلارى بارلىق ابونەنتتەرگە تەگىن 300 مينۋت پەن 200 SMS تاراتتى.