بۇگىن الماتىدا جەدەل شتابتىڭ وتىرىسىن وتكىزگەن مەملەكەت باسشىسى الدا ۇقشۇ بىرلەسكەن بىتىمگەرلىك كونتينگەنتىنىڭ بولىمشەلەرىن قايتارۋ جۇمىسى باستالاتىنىن ايتتى, دەپ حابارلايدى Egemen.kz.
«ەرتەڭ ۇقشۇ بىرلەسكەن بىتىمگەرلىك كونتينگەنتىن ەلدەن شىعارۋ جۇمىستارى باستالادى. مەن ءتيىستى مەملەكەتتەردىڭ باسشىلارىمەن سويلەستىم. وسى ءساتتى پايدالانىپ, وسى بىرنەشە كۇندە جۇرگىزگەن اۋقىمدى جۇمىسى ءۇشىن كونتينگەنتتىڭ باسشىلىعىنا العىس ايتامىن. ۇقشۇ بىتىمگەرلىك كونتينگەنتىنىڭ قازاقستانعا, سونىڭ ىشىندە الماتىعا كەلگەنى جالپى ەلىمىزدەگى جاعدايدى تۇراقتاندىرۋدا ۇلكەن ءرول اتقاردى. بۇل ارەكەتتەردىڭ لاڭكەستەر مەن سودىرلاردىڭ اگرەسسياسىن قايتارۋدا ۇلكەن پسيحولوگيالىق ماڭىزى بولعانى ءسوزسىز. ميسسيا وتە ءساتتى ءوتتى. مەنىڭ ارىپتەستەرىمە - ۇيىمعا مۇشە ەلدەردىڭ باسشىلارىنا ۇلكەن العىس بىلدىرەمىن», دەدى قاسىم-جومارت توقاەۆ.
جەدەل شتاب وتىرىسىنىڭ قورىتىندىسى بويىنشا ۇكىمەتتىك كوميسسيا مەن جەرگىلىكتى اكىمدىكتەر بىرلەسىپ, قىسقا مەرزىم ىشىندە بارلىق ايماقتاعى نىسانداردى قالپىنا كەلتىرۋگە, ۇزدىكسىز ترانسپورت جۇمىسىن قامتاماسىز ەتۋگە, ازىق-ت ۇلىكپەن قامتامازى ەتۋگە, سونداي-اق شاعىن جانە ورتا بيزنەس نىساندارىنىڭ جۇمىسىن جانداندىرۋعا كۇش سالۋ تاپسىرىلدى.