قيىن ساتتە قورعاعان ازاماتتارعا العىس

الاڭعا جينالعان ءتارتىپ بۇزۋشى­لاردىڭ زاڭسىز ارەكەتىن توقتاتۋعا پوليتسيا قىز­مەت­كەرلەرىمەن قاتار «شىعىس» وڭىر­لىك قولباسشىلىعى دا جەتكەن. اران­داتۋشىلاردىڭ ءتۇرلى قىسىمدارىنا مو­رالدىق-پسيحولوگيالىق تۇرعىدا تا­بان­دىلىق تانىتا بىلگەن اسكەري جاساق وبلىستىق اكىمدىككە ەشكىمنىڭ باسىپ كىرۋىنە جول بەرمەدى. قوعامدىق ءتارتىپتى ساقتاۋ ماقساتىندا جۇمىلدىرىلعان «شىعىس» وڭىرلىك قولباسشىلىعىنا قا­راستى 19 اسكەري سارباز ءارتۇرلى دارە­­جەدەگى جاراقاتتار الدى. ونىڭ 8-ءى وس­كەمەن گارنيزونى, 11-ءى سەمەي گارنيزونى بويىنشا. «شىعىس» وڭىرلىك قولباسشىلىعى ءباسپاسوز قىزمەتىنىڭ باستىعى باعدات امانگەلدىنىڭ ايتۋىنشا, ولارعا دارىگەرلەر ەم-دومدارىن جاسادى, قازىر جاعدايلارى تۇراقتى.

– بۇل كۇندەرى ساپقا تۇرعان ءار ساربازعا قاۋىپ تونگەنى بەلگىلى. قانشاما ازاماتتارىمىزدان ايىرىلىپ قالدىق. ولار­دىڭ تۋعان-تۋىستارىنا «شىعىس» وڭىر­لىك قولباسشىلىعىنىڭ جەكە قۇرامى اتىنان كوڭىل ايتامىز. ال وسىناۋ قيىن ساتتەردە بىزبەن بىرگە بولعان ازاماتتارعا العىسىمىز شەكسىز. اسىرەسە كاسىپكەرلەر قولداۋ ءبىلدىرىپ, ازىق-ت ۇلىكپەن قامتىپ جاتتى. ەندى مۇنداي تارتىپسىزدىكتەن ساق­تاسىن, – دەيدى ب.امانگەلدى.

كۇشتىڭ بىرلىكتە ەكەنىن تۇسىنگەن وبلىس كاسىپكەرلەرى اسكەريلەرگە ازىق-ت ۇلىك, ىستىق تاماق, ءسۇت ونىمدەرىن اكەلدى.

– قىستىگۇنى كۇشتىك قۇرىلىمدار كۇن­دىز-ءتۇنى ءتارتىپتى قورعاۋدا تۇر. سون­دىقتان ولارعا العىس ايتقىمىز كەلەدى. ولارمەن بىرگە ەكەنىمىزدى, ءبارىمىز ءبىر ەكەنىمىزدى ءبىلۋى ءۇشىن قولداۋ كورسەتكىمىز كەلەدى. ەڭ باستىسى, بەيبىت ومىرگە ورالىپ, ۇرپاقتارىمىز الاڭسىز ءومىر سۇرسە ەكەن دەيمىن. تاۋەلسىزدىگىمىز باياندى بولسىن, – دەيدى «مايلى داقىلداردىڭ تاجىريبەلىك شارۋاشىلىعى» جشس ديرەكتورى فاريد ابىتاەۆ.

سونىمەن قاتار باسقا دا كاسىپكەرلەر ايماقتاعى جاپپاي تارتىپسىزدىكتەردىڭ الدىن الىپ, جەدەل ارەكەت ەتكەن قۇقىق قورعاۋ ورگاندارىنا, ءورت ءسوندىرۋ بو­لىمشەلەرىنە, مەديتسينا قىزمەتكەرلەرىنە شىنايى ريزاشىلىقتارىن ءبىلدىردى. كاسىپكەرلەرمەن بىرگە قۇقىق قورعاۋ ورگان­دارىنىڭ قىزمەتكەرلەرى, وبلىستىق «حاليفا التاي» مەشىتىنىڭ ەرىكتىلەرى قولداۋ كورسەتتى. كوپبالالى انالار دا قولدان كەلگەن كومەكتەرىن اياپ قالعان جوق.

شىعىس قازاقستاندا بۇگىنگى تاڭدا جاعداي تۇراقتالعان. وبلىستا ازىق-ت ۇلىك تاۋارلارىن جەتكىزۋدە ىركىلىس جوق. كومەندانتتىق ساعاتقا سايكەس بارلىق ونەركاسىپتىك كاسىپورىندار, دۇكەندەر, ءدارىحانالار مەن مەديتسينالىق مەكەمەلەر جۇمىس ىستەيدى. كوممۋنالدىق قىزمەتتەر, الەۋمەتتىك نىساندار, قوعامدىق كولىك جۇمىسى شتاتتىق رەجىمدە.

ايتا كەتەيىك, شىعىس قازاقستان وڭى­رىندە 5-9 قاڭتار ارالىعىندا مىڭ­نان استام ادام ۇستالىپ, ونىڭ 66-سىنا قىلمىستىق ءىس قوزعالدى, 7 ازامات كومەنداتتىق ساعاتتى بۇ­زىپ, اكىمشىلىك جاۋاپكەرشىلىككە تارتىلدى.

شىعىس قازاقستان وبلىسى