قازاقستان جازۋشىلار وداعى باسقارماسىنىڭ باستاماسىمەن ەلىمىزدە ورىن العان جاعدايعا بايلانىستى ادەبيەت جانە ونەر قايراتكەرلەرىنىڭ قازاق ەلىنە ۇندەۋى.
قادىرلى باۋىرلار!
ءبىز – ادەبيەت جانە ونەر قايراتكەرلەرى, ەلدەگى جاعدايعا ۇلكەن الاڭداۋشىلىق ءبىلدىرىپ, كەلەسىنى مالىمدەيمىز.
ەلىمىزدە قالىپتاسىپ وتىرعان قوعامدىق-ساياسي جاعداي وتە كۇردەلى.
ىشتەن شىققان جاۋ مەن سىرتتان سوققان جاۋدىڭ قيتۇرقى ارەكەتتەرىنىڭ ناتيجەسىندە ەل ءىشى ءب ۇلىنىپ, قالالارىمىز قيراپ, ستراتەگيالىق نىساندارىمىز وتقا ورانىپ, بەيبىت تۇرعىندارىمىز زارداپ شەگىپ جاتىر.
ءىرى ساۋدا ورتالىقتارى تونالىپ, بانكتەر مەن قوعامدىق ورىندار تالقاندالىپ, جارامسىز بولىپ قالدى.
سۇلۋ الماتىمىز ءالى كۇنگە دەيىن قارا تۇتىنگە تۇنشىعىپ تۇر. تۇرعىندارىمىزدىڭ كوزىندە ۇرەي, جۇرەگىندە الاڭ ورناپ الدى.
سىرتتان مۇزداي قارۋلانعان ەكسترەميستىك توپتار ەل ءىشىن الا تايداي ءبۇلدىرىپ, تىنىش ومىرىمىزگە ويران سالدى.
مۇنداي سۇمدىق وقيعالاردى قازاقستان بۇرىن-سوڭدى كورگەن ەمەس.
وزدەرىنىڭ پاسىق مۇددەلەرى ءۇشىن حالىق پەن قالالاردى قۇرباندىققا شالا سالۋعا دا بارا سالاتىن زىميان ادامداردىڭ مۇنداي ورەسكەل ارەكەتتەرىن زيالى, كوزى اشىق ازاماتتار كورىپ وتىر جانە قاتاڭ ايىپتاۋدا.
سوندىقتان وسىنداي الاعاي دا بۇلاعاي شاقتا, ەلىمىز ءۇشىن تاريحي سىن ساعاتتا ءبىز زاڭدى تۇردە سايلانعان, بارلىق قۇزىرەتتى قولىنا العان پرەزيدەنتىمىز قاسىم-جومارت كەمەل ۇلى توقاەۆتىڭ قاسىنا توپتاسىپ, بىرلەسە قيمىلداپ, ەلدەگى جاعدايدى تۇراقتاندىرۋعا ءتيىسپىز.
جانە كۇللى الاش جۇرتىن ءبىر جاعادان باس, ءبىر جەڭنەن قول شىعارىپ, ءبىر بولۋعا شاقىرامىز!
قولىمىزداعى ەڭ قاسيەتتى, ەڭ كيەلى دەپ سانالاتىن ارداقتى تاۋەلسىزدىگىمىزدى ساقتاپ قالايىق!
ەل امان بولسىن!
قۇرمەتپەن
ءاسانالى ءاشىموۆ, ءسابيت ورازباەۆ, سەيىت قاسقاباسوۆ, نۇرعالي ءنۇسىپجانوۆ, دۋلات يسابەكوۆ, كادىربەك سەگىزباەۆ, بەكسۇلتان نۇرجەكەەۆ, تەمىرحان مەدەتبەك, جابال ەرعاليەۆ, مولداحمەت قانازوۆ, التىنبەك قورازباەۆ, دوسحان جولجاقسىنوۆ, ۇلىقبەك ەسداۋلەت, تالعات تەمەنوۆ, سەكەن تۇرىسبەكوۆ, نەسىپبەك ايت ۇلى, ءجۇرسىن ەرمان, روزا رىمباەۆا, مەرەكە قۇلكەنوۆ, قۇلبەك ەرگوبەك, كەنجەحان ماتىجانوۆ, انار فازىلجان, باۋىرجان جاقىپ, دۇكەن ءماسىمحان, بەكجان تۇرىس, مارالتاي رايىمبەك ۇلى, داۋرەن قۋات, ساكەن سىبانباي, باقىت بەدەلحان, مەيرامبەك بەسباەۆ, داۋلەتكەرەي كاپ ۇلى, ەرعالي ءابدىرايىم, اقبەرەن ەلگەزەك, سەرىك اقسۇڭقار ۇلى, تۇرسىن جۇرتباي, باۋىرجان باباجان ۇلى, ەلەنا ابدىحالىقوۆا, ءمادي ايىمبەتوۆ, تولىمبەك ءابدىرايىم, ەلمۇرا جاڭابەرگەنوۆا, اسحات ماەميروۆ