اقتوبە قالاسىندا ورىن العان جاپپاي تارتىپسىزدىكتەردىڭ 11 ۇيىمداستىرۋشىسى ۇستالدى, دەپ حابارلايدى Egemen.kz.
ولاردىڭ ەكەۋى قاماۋعا الىنعان. بۇل تۋرالى اقتوبە وبلىسىنىڭ كومەندانتى قانات اليەۆ مالىمدەدى.
قانات اليەۆ حابارلاعانداي, قوعامدىق ءتارتىپتى قورعاۋ جانە ازاماتتاردىڭ قاۋىپسىزدىگىن قامتاماسىز ەتۋ جاعدايى تولىق باقىلاۋدا. وڭىردە كومەندانتتىق ساعات 22.00-دەن 6.00-گە دەيىن جۇمىس ىستەيدى.
وتكەن تۇندە پوليتسيا تىيىم سالىنعان ۋاقىتتا كوشەدە بولعان 360 ادامدى بولىمشەگە جەتكىزدى. ونىڭ ىشىندە 166 ادام اكىمشىلىك جاۋاپكەرشىلىككە تارتىلدى.
«سونىمەن قاتار, تارتىپسىزدىكتەردىڭ 11 ۇيىمداستىرۋشىسى مەن باستاماشىلارى ۇستالدى. قازىرگى ۋاقىتتا ولاردىڭ ەكەۋىنە قاتىستى قر قىلمىستىق كودەكسىنىڭ 272-بابىنىڭ 1-بولىگىندە كوزدەلگەن«جاپپاي تارتىپسىزدىكتەردى ۇيىمداستىرۋ» قىلمىسىن جاساعانى ءۇشىن «قاماۋعا الۋ» بۇلتارتپاۋ شاراسى تاڭدالدى. قالعاندارىنا قاتىستى ولاردىڭ زاڭسىز قىزمەتىنە قۇقىقتىق باعا بەرىلەدى», دەدى اليەۆ.