2022 جىلدىڭ 6 قاڭتارىندا نۇر-سۇلتان قالاسىنداعى «ۇلتتىق ساراپتاما ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى فيليالىنىڭ مولەكۋليارلىق-گەنەتيكالىق زەرتتەۋلەر زەرتحاناسى 96 وڭ ۇلگىنى گەنومدىق سەكۆەنيرلەۋدى اياقتادى, دەپ حابارلادى دسم ءباسپاسوز قىزمەتى.
گەنوتيپتەۋ ناتيجەلەرى بويىنشا 8 (8,3%) ۇلگىدە Omicron كوروناۆيرۋسىنىڭ جاڭا نۇسقاسى انىقتالدى, ونىڭ ىشىندە الماتى قالاسىندا - 7 جانە نۇر-سۇلتان قالاسىندا - 1.
سىنامالاردىڭ 71%-دا «دەلتا», 16%-دا «دەلتا پليۋس» كوروناۆيرۋس شتامىنىڭ نۇسقالارى, 4,7%-دا كوروناۆيرۋس شتامىنىڭ باسقا نۇسقالارى انىقتالدى.
«وميكرون» نۇسقاسىنىڭ ەرەكشەلىگى - جوعارى ينفەكتسيالىق تارالۋى (تارالۋ كوەففيتسيەنتى 1:5 تەڭ), قايتا جۇقتىرۋ قاۋپىنىڭ جوعارىلاۋى. جوعارى تىنىس الۋ جولدارىندا (وسى جەردە ۆيرۋس باستاپقىدا ەنەدى) «وميكرون» «دەلتا» نۇسقاسىنا قاراعاندا 70 ەسە جىلدام كوبەيەدى.
ينفەكتسيادان قورعاۋدىڭ جالعىز جولى - ۆاكتسيناتسيانىڭ اياقتالعان كۋرسى جانە COVID-19-عا قارسى ۋاقتىلى رەۆاكتسيناتسيا.
سونىمەن قاتار ۆيرۋستىڭ تارالۋ قاۋپىن ازايتۋ ءۇشىن بارلىق پروفيلاكتيكالىق شارالاردى ساقتاۋ قاجەت: بەتپەردە تاعۋ, الەۋمەتتىك قاشىقتىقتى, قول گيگيەناسىن ساقتاۋ, ءۇي-جايلاردى جەلدەتۋ جانە ت.ب.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, 2022 جىلعى 6 قاڭتارداعى جاعداي بويىنشا الەمنىڭ 126 ەلىندە «Omicron» SARS-CoV-2 شتامى انىقتالدى.