سەمەي قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 7-سىنىپ وقۋشىسى ماليكا اسەمحانوۆا توعىزقۇمالاقتان V ازيا چەمپيوناتىندا ءۇشىنشى ورىن الدى. ول 14 جاسقا دەيىنگى قىزدار اراسىندا باق سىناسقان.
اقتوبە قالاسىندا وتكەن V ازيا چەمپيوناتىنا قازاقستان, قىرعىزستان, اۋعانستان, ءۇندىستان, قىتاي, موڭعوليا, تۇركيا, تۇرىكمەنستان, رەسەي جانە وزبەكستان مەملەكەتتەرىنەن 150-گە جۋىق سپورتشى قاتىسقان ەدى.
– ۇلتتىق سپورتپەن 7 جاسىمنان اينالىسا باستادىم. ادامنىڭ ويلاۋ قابىلەتىن دامىتۋعا كومەكتەسەتىندىگى قاتتى ۇنادى. سونىمەن قاتار ءار جەتكەن جەڭىسىم قاناتتاندىرا تۇسەدى. العاش توعىزقۇمالاق ۇيىرمەسىنە اتا-انام الىپ كەلگەن. سوندىقتان دا ازيا چەمپيوناتىنداعى جەڭىسىمدى اكە-شەشەمە ارنادىم. مەنىڭ وسى دارەجەگە جەتۋىم سولاردىڭ ارقاسى. العا قويعان جوسپارلارىم كوپ, – دەيدى ماليكا.
ماليكا بۇعان دەيىن دە ءتۇرلى دەڭگەيدەگى جارىستارعا قاتىسىپ, توپ جارعان. ماسەلەن, ءار جىلدارى وتەتىن رەسپۋبليكالىق دودادا جۇلدەلى ءى,ءىى,ءىىى ورىندارعا يە بولعانىن بىلەمىز. سونىڭ ارقاسىندا 2017 جىلى «سپورت شەبەرلىگىنە ۇمىتكەر» دارەجەسىن دە ورىنداعان. حاكىم اباي جاقسى كورىپ ويناعان توعىزقۇمالاق سەمەيلىكتەرگە جاقىن سپورت.
سەمەي