قر سىبايلاس جەمقورلىققا قارسى ءىس-قيمىل اگەنتتىگىندە حابارلاعانداي, قاراعاندى وبلىسىندا زاڭنامالىق تىيىمعا قاراماستان كاسىپكەرلىك قىزمەتپەن اينالىسقان لاۋازىمدى تۇلعالار جاۋاپكەرشىلىككە تارتىلدى, دەپ حابارلايدى Egemen.kz.
«رۋحاني جاڭعىرۋ» وڭىرلىك جوبالىق كەڭسەسى باسشىسىنىڭ ورىنباسارى مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن تۇلعالارعا تەڭەستىرىلگەن تۇلعا بولا وتىرىپ, قابىلدانعان سىبايلاس جەمقورلىققا قارسى شەكتەۋلەردى بۇزا وتىرىپ, كاسىپكەرلىك قىزمەتپەن اينالىسقان», دەلىنگەن اگەنتتىك حابارلاماسىندا.
ونىڭ اتىنا تىركەلگەن جك تەمىرتاۋ مادەنيەت سارايىنا «رۋحاني جاڭعىرۋ» باعدارلاماسى اياسىندا «جاۋىرتاۋداعى كەزدەسۋ» فەستيۆالىن وتكىزۋ بويىنشا 3,9 ملن تەڭگە سوماسىنا قىزمەت كورسەتتى.
وسىعان ۇقساس فاكت قاراعاندى قالاسى قازىبەك بي اتىنداعى اۋداننىڭ سانيتارلىق-ەپيدەميولوگيالىق باقىلاۋ باسقارماسىنىڭ باس مامانىنا قاتىستى انىقتالدى.
«ونىڭ جەكە كاسىپكەرلىگى مەملەكەتتىك ورگاندار مەن ۇيىمدارعا ازىق-ت ۇلىك ەمەس تاۋارلاردى جەتكىزۋمەن اينالىسقان», دەپ قوستى اگەنتتىكتىڭ ءباسپاسوز قىزمەتى.
اتالعان تۇلعالار قاراعاندى قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن اقبتك-ءنىڭ 154-بابى بويىنشا كىنالى دەپ تانىلىپ, ارقايسىسىنا 408 380 تەڭگە كولەمىندە ايىپپۇل سالىندى.
2021 جىلدىڭ باسىنان باستاپ سىبايلاس جەمقورلىققا قارسى قىزمەت اكىمشىلىك قۇقىق بۇزۋشىلىق تۋرالى 109 ءىس قوزعادى, 31,2 ملن تەڭگە كولەمىندە ايىپپۇل سالىندى. اكىمشىلىك جاۋاپكەرشىلىككە 100 جەكە جانە 2 زاڭدى تۇلعا تارتىلدى.