اتىراۋ وبلىستىق سوتىنىڭ ءباسپاسوز قىزمەتى باقىتگۇل حامەنوۆانى ەكى ايعا قاماۋعا الۋ شەشىمىن ءتۇسىندىردى, دەپ حابارلايدى Egemen.kz.
پروكۋرور ءوتىنىشى بويىنشا اتىراۋ وبلىستىق سوتىنىڭ قىلمىستىق ىستەر جونىندەگى سوت القاسى اتىراۋ قالالىق مامانداندىرىلعان تەرگەۋ سوتىنىڭ 12 جەلتوقسانداعى وبلىس اكىمىنىڭ ورىنباسارى باقىتگۇل حامەنوۆانى ۇيقاماققا الۋ تۋرالى شەشىمى كۇشىن جويدى. جاڭا قاۋلى بويىنشا, حامەنوۆا ەكى ايعا قاماۋعا الىندى.
«سوت القاسى حامەنوۆانىڭ سانكتسياسى بويىنشا جەتى جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان اسا اۋىر سىبايلاس جەمقورلىق قۇقىقبۇزۋشىلىق (قك-نىڭ 366-بابى 3-بولىگىنىڭ 2-تارماعى) جاسادى دەگەن كۇدىككە ىلىنگەنىن ەسكەردى. بۇل پروتسەسكە قاتىسۋشىلارعا جانە ءىستى وبەكتيۆ تەرگەپ-تەكسەرۋگە قىسىم كورسەتۋى مۇمكىن», دەدى سوتتىڭ ءباسپاسوز قىزمەتى وكىلدەرى.
بۇعان دەيىن ءىرى كولەمدە پارا الدى دەگەن كۇدىكپەن ۇيقاماققا الىنعان اتىراۋ وبلىسى اكىمىنىڭ ورىنباسارى باقىتگۇل حامەنوۆا تۇتقىندالىپ, ەكى ايعا ۋاقىتشا ۇستاۋ يزولياتورىنا قامالعانى حابارلانعان بولاتىن.