تۇركىستان وبلىسىنىڭ پوليتسەيلەرى جوعالعان بالانىڭ دەنەسىن اۋلاداعى كارىزدەن تاپتى, دەپ حابارلايدى Egemen.kz.
ورداباسى اۋداندىق ىشكى ىستەر بولىمىنە شۇبارسۋ اۋىلىنىڭ تۇرعىنى ارىزدانعان. ونىڭ ايتۋىنشا, 18 جەلتوقساندا 8-سىنىپ وقيتىن بالاسى ۇيىنەن بەلگىسىز جاققا شىعىپ كەتىپ ورالماعان.
«جەدەل ىزدەستىرۋ شارالارى بارىسىندا پوليتسەيلەر ءوز ءۇيىنىڭ اۋلاسىنداعى كارىزدەن 14 جاستاعى ءجاسوسپىرىمنىڭ ءمايىتىن تاپتى. بولجام بويىنشا ءجاسوسپىرىم سەپتيككە قۇلاپ, قازا بولعان. ساراپتامالار تاعايىندالدى», دەدى پوليتسيا وكىلدەرى.
قۇقىق قورعاۋشىلار قازىر وقيعانىڭ بارلىق ءمان-جايى انىقتالىپ جاتقانىن ايتتى.