ورتا سالماق دارەجەسىندە سىنعا ءتۇسىپ جۇرگەن قازاقستاندىق كاسىپقوي بوكسشى قانات يسلامنىڭ WBO International بەلدىگىنەن ايىرىلعانى بۇگىن بەلگىلى بولدى. ەندى سول بوس تۇرعان بەلدىككە تاعى ءبىر قازاق بوكسشىسى تالاسادى, دەپ حابارلايدى Egemen.kz.
سوڭعى دەرەكتەرگە سەنسەك, بوس تۇرعان WBO International بەلبەۋىن قازاقستاندىق كاسىپقوي بوكسشى مەيىرىم نۇرسۇلتانوۆ يەلەنۋگە تىرىسىپ كورمەك. 15 قاڭتارعا جوسپارلانعان بوكس كەشىندە شارشى الاڭعا كوتەرىلەتىن مەيىرىم نۇرسۇلتانوۆ پەن رەسەيلىك اندرەي سيروتكين اتالمىش بەلدىكتى ساراپقا سالادى.
اقتاۋدا وتەتىن بوكس كەشىندە مەيىرىم WBO International بەلبەۋىن قازاقستاندا قالدىرۋعا بار كۇشىن سالادى.