ەلوردادا ەسسە بايقاۋىنىڭ جەڭىمپازدارى ماراپاتتالدى

اقتىق فينالعا وتكەن ۇمىتكەرلەر وقۋشىلار سارايىنا جينالىپ, ماراپاتتالدى. جۇلدەلى 1-ورىنعا 300 مىڭ, 2-ورىنعا 150 مىڭ, 3-ورىنعا 50 مىڭ تەڭگە تابىس ەتىلدى.

نۇر-سۇلتان قالاسى دىندەردى زەرتتەۋ ورتالىعىنىڭ باستاماسىمەن ۇيىمداستىرىلعان بايقاۋعا 200-دەن استام ءوتىنىش تۇسكەن.

«بايقاۋعا 228 ءوتىنىش ءتۇستى. تەكسەرىس بارىسىندا جۇمىستاردى انتيپلاگيات بويىنشا تەكسەرىپ, بايقاۋ شارتتارىن ورىنداعان قاتىسۋشىلاردى عانا اقتىق سىنعا جىبەردىك. 107 مەكتەپ وقۋشىسى مەن 49 ستۋدەنت فينالعا ءوتتى. قاتىسۋشىلار ءۇشىن تاۋلىك بويى سايت جۇمىس ىستەپ تۇردى. بايقاۋدى وتكىزۋدەگى ماقساتىمىز – جاستارىمىزعا پاتريوتتىق سەزىم ۇيالاتىپ, قازاقتان شىققان عۇلاما عالىمداردىڭ ەڭبەكتەرىن دارىپتەۋ», دەيدى نۇر-سۇلتان قالاسى دىندەردى زەرتتەۋ ورتالىعى ديرەكتورىنىڭ ورىنباسارى ج.سۇلەيمەنوۆ.

وقۋشىلار اراسىندا جۇلدەلى 1-ورىنعا ا.جاناي, 2-ورىنعا ج.قۋانىش, 3-ورىنعا ا.شينتاەۆا يە بولدى. ال ستۋدەنتتەردەن 1-ورىنعا ق.پارازاتوۆا, 2-ورىنعا د.قالمەنباي, 3-ورىنعا ي.سۇلتانعاليەۆا جايعاستى.

«بۇل بايقاۋدى وتكىزۋدە الدىمىزعا قويعان مىندەت – وسكەلەڭ ۇرپاققا ادامگەرشىلىك تاربيە بەرۋگە ىقپال ەتۋ, عالىم ىبىراي ءالتىنساريننىڭ مۇراسىمەن تانىسىپ, وتانشىلدىق سەزىم قالىپتاستىرۋ. جازعان ەسسەلەردى قاراي وتىرا, قويىلعان مىندەت 100 پايىزعا ورىندالعانىنا كوزىم جەتتى. ءار قاتىسۋشىنىڭ وزىندىك ويى, فيلوسوفيالىق تۇيىندەرى, تىلگە, حالقىنا دەگەن جانارشىرلىق, پاتريوتتىق سەزىمى جازعان جازبالارىنان سەزىلىپ تۇر», دەدى قازىلار القاسىنىڭ توراعاسى, قوعام قايراتكەرى ۇزبەن قۇرمانباي ۇلى.

بايقاۋ ءداستۇرلى تۇردە ءۇشىنشى جىل قاتارىنان وتكىزىلىپ كەلەدى.