دەنساۋلىق ساقتاۋ مينيسترلىگى 2022 جىلدىڭ قاڭتارىنا ارنالعان كوروناۆيرۋس تۋرالى جاڭا بولجام جاريالادى, دەپ حابارلايدى Egemen.kz.
دەنساۋلىق ساقتاۋ مينيسترلىگىنىڭ بولجامىنا سايكەس, 2022 جىلدىڭ قاڭتارىندا وپتيميستىك ستسەناري بويىنشا كۇنىنە ورتاشا ەسەپپەن 650 كوروناۆيرۋس ينفەكتسياسى تىركەلەدى. ناقتى - 1500, جاعداي ناشارلاسا 3000 دەرەك تىركەلۋى مۇمكىن.
«كوروناۆيرۋس ينفەكتسياسى بويىنشا ەپيدەميولوگيالىق جاعداي بولجامىنا سايكەس قازىر تاۋلىگىنە ورتا ەسەپپەن 560 جاعداي تىركەلىپ وتىر, وپتيميستىك ستسەناري ىسكە اسىرىلىپ جاتىر. رەسپۋبليكادا كوروناۆيرۋس ينفەكتسياسى بويىنشا ەپيدەميولوگيالىق جاعدايدىڭ تۇراقتالىپ كەلە جاتقانى بايقالادى, جاعداي مينيسترلىكتىڭ باقىلاۋىندا», دەدى دەنساۋلىق ساقتاۋ ءمينيسترى مىندەتىن اتقارۋشى جاندوس بۇركىتباەۆ ۇكىمەت وتىرىسىندا.