قازاقستان رەسپۋبليكاسىنىڭ ماجارستانداعى ەلشىلىگى ماجارستان پوچتاسىمەن بىرلەسىپ, قۇرمەتتى كونسۋلدىڭ قولداۋىمەن قازاقستان تاۋەلسىزدىگىنىڭ 30 جىلدىعىنا وراي مەرەيتويلىق پوشتا ماركاسىن شىعاردى, دەپ حابارلايدى Egemen.kz قر ءسىم ءباسپاسوز قىزمەتىنە سىلتەمە جاساپ.
ۆەنگريالىق پوشتا ماركاسىندا قازاقستان تاۋەلسىزدىگىنىڭ 30 جىلدىعىنىڭ لوگوتيپى بەينەلەنگەن. پوشتا ماركالارى ەلشىلىكتىڭ كۇندەلىكتى حات-حابارلارىندا, سونداي-اق كادەسىي ونىمدەرى رەتىندە پايدالانىلاتىن بولادى.
العاشقى مەرەيتويلىق دانالار ۇكىمەت, عىلىم جانە مادەنيەت وكىلدەرىنە, ۆەنگريانىڭ قوعام قايراتكەرلەرىنە, سونداي-اق جەرگىلىكتى كوللەكتسيونەر-فيلاتەليستەرگە بەرىلەدى.
ايتا كەتسەك, مەرەيتويلىق ماركانىڭ شىعارىلىمىن ىسكە اسىرۋ كەزىندە ۆەنگريا پوچتاسىنىڭ ستاندارتتارى ەسكەرىلدى.