ەلباسى نۇرسۇلتان نازارباەۆتىڭ «تاۋەلسىزدىك تاعىلىمى» اتتى ماقالاسىن وقىپ, بىزگە ەڭ قىمبات بايلىعىمىز ەگەمەندىكتىڭ قانداي كۇرەسپەن كەلگەنىنە تاعى ءبىر كۋا بولعاندايمىز. تۇڭعىش پرەزيدەنتتىڭ تولعامىنان كەيىن, شىنى كەرەك, قۋانىشتى سەزىمدە بولدىم. نەگە دەسەڭىز, وسى ماقالادان سوڭ قازاقستاننىڭ ازاتتىق العالى بەرى اۋىز تولتىرىپ ايتارلىقتاي جەتىستىكتەرگە قول جەتكىزگەنىمىز كوز الدىمىزعا كەلدى.
تاۋەلسىزدىك بىزگە كەرەمەت مۇمكىندىكتەر الا كەلدى. سونىڭ ءبىرى – شەتەلدە ءبىلىم الۋعا جاعداي جاساۋ, تالاپتانعان جاستاردى قولداۋ. ءوزىم دە وسى «بولاشاق» باعدارلاماسىنىڭ جەمىسىن كوردىم. ۇلىبريتانياداعى ۋوريك ۋنيۆەرسيتەتىندە ء«بىلىم بەرۋ جونىندەگى كوشباسشىلىق جانە مەنەدجمەنت» بويىنشا ماگيستراتۋرادا ءبىلىم الدىم. مەن سەكىلدى مىڭداعان زامانداسىمنىڭ الەمنىڭ ءار قيىرىنان ساپالى ءبىلىمدى تۋعان جەرگە ەكسپورتتاپ, ەلگە ەڭبەك ەتىپ جاتقانىن تاۋەلسىزدىكتىڭ زور تابىسى دەپ ايتار ەدىم.
«بولاشاق» باعدارلاماسى – الەمدە بالاماسى جوق جەتەكشى ستارتاپتاردىڭ ءبىرى. سونداي تىڭ باستامانىڭ جەمىسىنە اينالعانىما قۋانىشتىمىن. ەلىمىز بىزگە سالعان ينۆەستيتسيا ارقىلى تاۋەلسىزدىكتى نىعايتا تۇسەتىنىمىزگە سەنەمىن. قازىر «بولاشاق» تۇلەكتەرى وڭىرلەردىڭ الەۋەتىن ارتتىرۋعا ەڭبەك ەتىپ جاتىر. مەن دە قازىرگى تاڭدا اۋىلدىق جەردەگى ورتا ءبىلىم ساپاسىن ارتتىرۋ ماقساتىندا باتىس قازاقستان وبلىسىنىڭ سىرىم اۋدانىنداعى قوسوبا مەكتەپ-بوبەكجاي-بالاباقشا كەشەنىندە جۇمىس ىستەپ ءجۇرمىن.
«ەلىم دەيتىن ەر بولماسا, ەرىم دەيتىن ەل قايدان شىقسىن» دەمەكشى, وسى ازات كۇننىڭ تاڭىن كورىپ وتىرعان بارلىق وتانداسىمدى تاۋەلسىزدىكتى ساقتاپ قالۋ جولىندا ايانباي ەڭبەك ەتۋگە شاقىرامىن.
جانسۇلتان نۇرمۇحانوۆ,
«بولاشاق» باعدارلاماسىنىڭ تۇلەگى, قوسوبا
مەكتەپ-بوبەكجاي-بالاباقشا كەشەنىنىڭ ديرەكتورى
باتىس قازاقستان وبلىسى