قر پرەزيدەنتى قاسىم-جومارت توقاەۆتىڭ توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى (جەەك) ءوتىپ جاتىر, دەپ حابارلايدى Egemen.kz.
بەينەبايلانىس فورماتىندا ءوتىپ جاتقان ءىس-شاراعا كەڭەسكە مۇشە مەملەكەتتەردىڭ جانە باقىلاۋشى ەلدەر – كۋبا, مولدوۆا, وزبەكستاننىڭ باسشىلارى قاتىسۋدا.
وتىرىس بارىسىندا مەملەكەتتەر باسشىلارى ەۋرازيالىق ەكونوميكالىق وداق قىزمەتىنە قاتىستى وزەكتى ماسەلەلەردى, 2021 جىلعى ىنتىماقتاستىقتىڭ ناتيجەلەرىن, سونداي-اق الداعى ۋاقىتتا ۇيىمعا مۇشە مەملەكەتتەردىڭ ءوزارا ەكونوميكالىق ءىس-قيمىلداردى دامىتۋ جوسپارىن تالقىلاۋدا.
ايتا كەتەرلىگى, قازاقستاننىڭ ۇيىمعا توراعالىعى وسى جيىنمەن اياقتالادى جانە توراعالىق قىرعىز رەسپۋبليكاسىنا وتەتىن بولادى.