قر پرەمەر-ءمينيسترى اسقار مامين دەنساۋلىق ساقتاۋ مينيسترلىگى مەن اقپارات جانە قوعامدىق دامۋ مينيسترلىگىنە جەرگىلىكتى اكىمدىكتەرمەن بىرلەسىپ, رەۆاكتسيناتسيانىڭ ماڭىزىن حالىققا ءتۇسىندىرۋ جۇمىسىن جۇرگىزۋدى تاپسىردى, دەپ حابارلايدى Egemen.kz.
«جالپى ەكونوميكالىق جاعداي تۇراقتى. كوروناۆيرۋس ينفەكتسياسىمەن اۋىرعاندار سانى ازايىپ كەلەدى. ينفەكتسيالىق اۋرۋحانالارداعى ورىندار 24 پايىزعا, ال رەانيماتسياداعى ورىندار 21 پايىزعا جۇكتەلگەن. وڭىرلەردىڭ كوبى «جاسىل» ايماقتا (11), «سارى» ايماقتا 5 ءوڭىر, «قىزىل» ايماقتا 1 عانا ءوڭىر بار. كوروناۆيرۋس ينفەكتسياسىنان قورعاۋى مۇمكىن نەگىزگى قۇرال ۆاكتسينا الۋ مەن رەۆاكتسيناتسيا بولىپ تابىلادى. قازىرگى ۋاقىتتا شامامەن 8,8 ملن ادام ءبىرىنشى كومپونەنت سالدىردى. بۇل 18 جاستان اسقان ازاماتتاردىڭ 77,5 پايىزى. ەكىنشى كومپونەنتتى 72,4 پايىزى سالدىردى», دەدى اسقار مامين ۇكىمەت وتىرىسىندا.
سونداي-اق, ول ۆاكتسينالاۋ قارقىنى تومەن وڭىرلەردى اتادى.
«ماڭعىستاۋ, قوستاناي جانە باتىس قازاقستان وبلىستارىنا ۆاكتسينالاۋمەن جانە رەۆاكتسينالاۋمەن قامتۋدى كۇشەيتۋ قاجەت. اكىمدىكتەر دەنساۋلىق ساقتاۋ جانە اقپارات مينيسترلىكتەرىمەن بىرلەسىپ, حالىقتىڭ اراسىندا رەۆاكتسيناتسيالاۋ قاجەتتىلىگى جونىندە اقپاراتتىق ءتۇسىندىرۋ جۇمىسىن قامتاماسىز ەتسىن. ۆيرۋستىڭ جاڭا شتامى پايدا بولعانىن ەسكەرىپ, مەملەكەتتىك شەكارادا سىرتتان كەلەتىن ادامداردى كۇشەيتىلگەن باقىلاۋ جالعاستىرىلسىن», دەگەن ۇكىمەت باسشىسى بۇل ءىستىڭ ءبارىن باقىلاۋدى ورىنباسارى ەرالى توعجانوۆقا جۇكتەدى.