ەلباسى نۇرسۇلتان نازارباەۆ «تاۋەلسىزدىك تاعىلىمى» اتتى ماقالاسىندا قازاقستاننىڭ تاۋەلسىزدىككە جەتۋ جولىنداعى ەرەن ەڭبەگىن ءسوز ەتىپ, ۇلى وتان سوعىسىنىڭ قاھارلى كۇندەرىنەن قالعان ەستەلىكتەرىمەن ءبولىستى, دەپ حابارلايدى Egemen.kz.
«ادامزات تاريحىنا ەڭ قاندى قىرعىن رەتىندە ەنگەن ەكىنشى دۇنيەجۇزىلىك سوعىستىڭ قۇرامداس بولىگى – ۇلى وتان سوعىسىنىڭ قاھارلى كۇندەرى, بالا بولسام دا, ءالى كۇنگە كوز الدىمنان كەتپەيدى. ءسابي كەزىمدى ەسكە العاندا ءار ۇيدەن مايدانعا اتتانعان اعالارىم, ەر-ازاماتىنىڭ ورنىن جوقتاتپاي, ء«بارى دە جەڭىس ءۇشىن» دەپ, بەل شەشپەي ەڭبەك ەتكەن انالارىم مەن جەڭگەلەرىم, قارشاداي كۇنىنەن وگىزگە جەگىلگەن سوقامەن جەر جىرتىپ, ماساق تەرىپ, ەڭبەكپەن كوزىن اشقان قاتارلاستارىم ەسكە تۇسەدى. مەنىڭ ەڭبەك تاقىرىبىنا ءجيى ورالاتىنىمنىڭ ءبىر سىرى دا بالالىعىن سوعىس ۇرلاعان سول اۋىر كۇندەردەن قالعان ەستەلىكتە بولسا كەرەك. ادامدى قانداي قيىندىقتان دا امان الىپ شىعاتىن قۇدىرەت ەڭبەك ەكەنىن مەن ءسابي كەزىمنەن-اق سەزىندىم. كەيىنگى جاستارعا ۇنەمى «ەڭبەك ەت, وتباسىڭدى اسىرا, ەلىڭە قىزمەت قىل: ءوزىڭ دە تابىستى بولىپ, وتانىڭنىڭ دا قۋاتى ارتادى» دەيتىنىم سوندىقتان», دەپ جازادى ەلباسى ءوزىنىڭ ماقالاسىندا.
ءيا, تاۋەلسىزدىك ءسوزىنىڭ ماعىناسى تەرەڭ. بۇگىنگى كۇنى دامىعان مەملەكەتتەردىڭ قاتارىنان كورىنۋ كەشەگى سوعىس پەن بابالارىمىزدىڭ توگىلگەن قانىنىڭ جەمىسى. شىنىمەن دە, بارلىعى حالىقتىڭ كۇش-جىگەرىنەن, بىرلەسكەن ەڭبەگىنەن باستالادى.
«سوعىستان سوڭعى كەزەڭدەگى تىڭ يگەرۋ, مەتالل قورىتۋ, بولات بالقىتۋ – حالىق شارۋاشىلىعىن قالپىنا كەلتىرۋدىڭ ءدال ورتاسىندا جۇردىك. ءسوتسياليزمنىڭ ارتىقشىلىعىن دا, كەمشىلىگىن دە كوردىك. ءبىر سوزبەن ايتقاندا, كەڭەس وداعى قۇرامىندا بولعان جەتپىس جىلدىقتىڭ ناتيجەسى ءبىزدىڭ ەلدىڭ پايداسىنا شەشىلگەن جوق», دەپ قوستى نۇرسۇلتان نازارباەۆ.