اسا جەڭىل سالماقتا ەل نامىسىن قورعاپ جۇرگەن قازاقستاندىق ارالاس جەكپە-جەك شەبەرى جالعاس جۇماعۇلوۆتىڭ الەمدەگى ەڭ بەدەلدى ۇيىم UFC-مەن كەلىسىمشارتى اياقتالدى, دەپ حابارلايدى Egemen.kz.
بۇگىن قازاقستاندىق سپورتشى كەلىسىمشارتتا كورسەتىلگەندەي سوڭعى جەكپە-جەگىن وتكىزدى. بالكىم انگولالىق مانەل كاپەنى جەڭگەندە ۇيىم باسشىسى دانا ۋايت جاڭا كەلىسىمشارت ۇسىنار ما ەدى, كىم ءبىلسىن؟ وكىنىشكە قاراي وتانداسىمىز قارسىلاسىنان ءبىرىنشى راۋندتا جەڭىلىپ قالدى. قىسقاسى, ءتورت شايقاستا ءبىر عانا مارتە جەڭىسكە جەتىپ, ءۇش رەت جەڭىلىستىڭ كەرمەك ءدامىن تاتقان وتانداسىمىزدىڭ UFC-دەگى ساپارىنا نۇكتە قويىلعان سەكىلدى. ەندى ول باسقا ليگالاردا وكتاگونعا شىقپاسا, دانا ۋايت سپورتشىنى ءوز ۇيىمىندا قالدىرمايتىنى ءسوزسىز.