امەريكا قۇراما شتاتتارىنىڭ پرەزيدەنتى دجوزەف بايدەن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ اتىنا مەملەكەتىمىزدىڭ تاۋەلسىزدىگىنىڭ 30 جىلدىق مەرەيتويىنا وراي قۇتتىقتاۋ حات جولدادى, دەپ حابارلايدى Egemen.kz قازاقستان رەسپۋبليكاسى سىرتقى ىستەر مينيسترلىگىنىڭ سايتىنا سىلتەمە جاساپ.
«قازاقستاننىڭ ورتالىق ازيادا, سونداي-اق, بۇكىلالەمدىك بەيبىتشىلىك, تۇراقتىلىق پەن گۇلدەنۋدى ساقتاۋ جولىندا كوش باستاپ كەلە جاتقانىنىڭ 30 جىلدىق مەرەيتويى قارساڭىنداعى قۋانىشىڭىزعا ورتاقپىن», دەپ جازدى اقش كوشباسشىسى.
ونىڭ پىكىرىنشە, الداعى ۋاقىتتاعى ىقپالداستىق ەكى ەلدىڭ حالىقتارى ءۇشىن جاڭا جاھاندىق سىن-قاتەرلەردى ەڭسەرۋگە مۇمكىندىك بەرەدى. وسى ورايدا ول ورتالىق جانە وڭتۇستىك ازيا وڭىرلەرىندەگى ءوزارا بايلانىستار مەن ەكونوميكالىق وسۋگە ىقپال ەتۋ بويىنشا قازاقستاننىڭ كۇش-جىگەرىن جوعارى باعالايتىنىن جەتكىزدى.
«امەريكا قۇراما شتاتتارى قازاقستانمەن كەڭەيتىلگەن ستراتەگيالىق سەرىكتەستىكتى جانە وڭىرلىك تۇراقتىلىقتى ىلگەرىلەتۋ, كليماتتىق داعدارىستى شەشۋ, دەموكراتيالىق ينستيتۋتتاردىڭ تيىمدىلىگىن ارتتىرۋ مەن ادام قۇقىقتارىن قۇرمەتتەۋدى دامىتۋ بويىنشا ىنتىماقتاسۋعا نيەتتى», دەپ مالىمدەدى اقش پرەزيدەنتى.