ەلىمىزدە 62 مىڭنان استام بالا ۆاكتسينا الدى. بۇل تۋرالى ۇكىمەت وتىرىسىندا قر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ ايتتى, دەپ حابارلايدى Egemen.kz.
«قازاقستانعا Comirnaty (Pfizer) ۆاكتسيناسىنىڭ 645 مىڭ دوزاسى كەلىپ ءتۇستى. بۇگىنگى كۇنى 62 مىڭ 707 بالا جانە 17 مىڭ 015 جۇكتى جانە بالا ەمىزەتىن ايەل ەگىلدى. ۆاكتسينانى جەتكىزۋ اپتا سايىن جالعاسۋدا», دەدى ءبىرىنشى ۆيتسە-مينيستر.
ونىڭ دەرەگىنشە, ۆاكتسيناتسيانىڭ 1-ءشى كومپونەنتىمەن 8,7 ملن-نان استام ادام ەگىلدى, ەگىلۋگە ءتيىستى حالىقتىڭ 76,6 پايىزى نەمەسە جالپى حالىقتىڭ 46,2 پايىزى قامتىلدى. ەكىنشى كومپونەنتپەن ءتيىستى حالىقتىڭ 70,8 پايىزىن نەمەسە جالپى حالىق سانىنىڭ 42,7 پايىزىن قامتي وتىرىپ, 8 ملن-نان استام ادامعا ەكپە سالىندى.