پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ قابىلداندى, دەپ حابارلايدى Egemen.kz.
قازاقستان ۇكىمەتى مەن قىرعىزستان ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىم 2021 جىلعى 2 ناۋرىزدا نۇر-سۇلتان قالاسىندا جاسالعان.
«كەلىسىم قىرعىز تاراپىنا اسكەري م ۇلىكتى, اتاپ ايتقاندا, وق-دارىلەر مەن ارنايى جابدىقتى ءبىر رەت بەرۋدى كوزدەيدى», دەدى قر قورعانىس ءمينيسترىنىڭ ورىنباسارى رۋسلان شپەكباەۆ.
ونىڭ ايتۋىنشا, قازاقستان تاراپى اسكەري م ۇلىكتى قىرعىز رەسپۋبليكاسىنىڭ قوي-تاش ەلدى مەكەنىنە دەيىن اۆتوموبيل كولىگىمەن جەتكىزۋدى قامتاماسىز ەتىپ, وعان بايلانىستى بارلىق شىعىستى ءوزى كوتەرەدى.
«قىرعىز جاعى قازاقستاننان العان اسكەري م ۇلىكتى, ونى پايدالانۋ قۇقىعىن ءۇشىنشى تاراپقا بەرمەيدى. اسكەري م ۇلىكتى قىرعىزستانعا بەرۋ قازاقستاننىڭ جاۋىنگەرلىك ازىرلىگى مەن قوعانىس قابىلەتىنە ىقپال ەتپەيتىنىن اتاپ ءوتۋ قاجەت», دەدى ر. شپەكباەۆ.