ەلورداعا قازان ايىنىڭ سوڭىندا كەلگەن ەكى كۇدىكتى وسى ۋاقىتقا دەيىن سەگىز رەت ۇرلىققا تۇسكەن, دەپ جازادى Egemen.kz نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ولار قالا اۋماعىنداعى جەكە مەنشىك سەكتورداعى ۇيلەرگە تەرەزەنى بۇزىپ كىرىپ, التىن بۇيىمدار, كومپيۋتەرلىك تەحنيكا, ۇيالى تەلەفون, ويىن پريستاۆكاسى جانە باسقا دا زاتتاردى ۇرلاعان. ۇرلاعان زاتتاردى جابىق بازارداعى الىپ-ساتارلارعا ساتىپ وتىرعان.
جەدەل ىزدەستىرۋ شارالارىن جۇرگىزۋ كەزىندە «سارىارقا» اۋدانىنىڭ پوليتسيا ءبولىمىنىڭ قىزمەتكەرلەرى شىعىس قازاقستان جانە تۇركىستان وبلىستارىنىڭ 30 جانە 25 جاستاعى ەكى تۇرعىنىن ۇستادى. كۇدىكتىلەر بۇعان دەيىن ۇرلىق جانە توناۋ فاكتىلەرى بويىنشا بىرنەشە رەت سوتتالعان بولىپ شىقتى.
قازىرگى كەزدە ولاردىڭ الماتى قالاسىنىڭ اۋماعىندا جاسالعان ۇقساس قىلمىستارعا قاتىسى بار-جوقتىعى انىقتالىپ جاتىر. ودان بولەك, ءبىر كۇدىكتى 2021 جىلدىڭ ساۋىرىندە الماتى وبلىسىندا بەس رەت پاتەرگە ۇرلىققا تۇسكەنى ءۇشىن باس بوستاندىعىنان ايىرىلعان. قازىرگى كەزدە ۇستالعاندار جاساعان قىلمىستارىن مويىندادى, ولاردىڭ استانا اۋماعىندا جاسالعان قىلمىستارعا قاتىسى بار-جوقتىعى انىقتالۋدا.
كۇدىكتىلەر پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى, سوت الدى تەرگەۋ ءجۇرىپ جاتىر.