سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ وتىرىسىندا دەپۋتاتتار قازاقستان قارۋلى كۇشتەرىنىڭ تاجىكستان جانە قىرعىز رەسپۋبليكاسى اسكەرلەرىمەن ىنتىماقتاستىعىن نىعايتۋعا ىقپال ەتەتىن زاڭ جوبالارىن تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
وندا قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى تاجىك-اۋعان شەكاراسىنىڭ ىرگەلەس اۋداندارىندا قاۋىپسىزدىكتى قامتاماسىز ەتۋدە اسكەري-تەحنيكالىق جاردەم كورسەتۋ تۋرالى جانە وتەۋسىز اسكەري-تەحنيكالىق كومەك كورسەتۋ تۋرالى ەكى كەلىسىم راتيفيكاتسيالاۋعا ۇسىنىلادى. قۇجاتتىڭ باستى ماقساتى – تاجىك-اۋعان شەكاراسىنىڭ اۋماعىندا قاۋىپسىزدىكتى نىعايتۋ بولىپ وتىر.
قازاقستان مەن قىرعىز رەسپۋبليكاسى ۇكىمەتتەرى اراسىنداعى كەلىسىمدى راتيفيكاتسيالاۋعا قاتىستى تاعى ءبىر زاڭ جوباسىنا سايكەس اسكەري م ۇلىكتى قازاقستاننان قىرعىز رەسپۋبليكاسىنا ءبىر رەتتىك بەرۋ تۇرىندە وتەۋسىز اسكەري-تەحنيكالىق كومەك كورسەتۋ كوزدەلۋدە. قۇجاتتىڭ نەگىزگى مىندەتى – ورتالىق ازيا وڭىرىندەگى قاۋىپسىزدىكتى نىعايتۋ.
تاراپتار بۇل رەتتە بارلىق كورسەتىلگەن كەلىسىمدەر بويىنشا الىنعان اسكەري م ۇلىكتى تەك وسى كەلىسىمنىڭ ماقساتتارىندا پايدالانۋعا جانە ونى ءۇشىنشى تاراپقا بەرمەۋدى مىندەتىنە الاتىن بولادى.
سەناتورلار كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا اتالعان زاڭ جوبالارىن پالاتانىڭ قاراۋىنا جىبەرۋ تۋرالى شەشىم قابىلدادى.