كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ كەزەكتى جالپى وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
كۇن تارتىبىنە سايكەس دەپۋتاتتار “شانحاي ىنتىماقتاستىق ۇيىمىنا مۇشە مەملەكەتتەردىڭ ۇكىمەتتەرى اراسىنداعى حالىقارالىق اقپاراتتىق قاۋىپسىزدىكتى قامتاماسىز ەتۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى” جانە “تاڭبالاردى حالىقارالىق تىركەۋ تۋرالى مادريد كەلىسىمىنە حاتتامانى راتيفيكاتسيالاۋ تۋرالى” زاڭ جوبالارىن قاراپ, تالقىلاعاننان كەيىن ولاردى قابىلدادى.
وتىرىستا, سونىمەن قاتار, “بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى” جانە “قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيووتىن ءوندىرىسىن جانە اينالىمىن مەملەكەتتىك رەتتەۋ ماسەلەلەرى بويىنشا ءوزگەرىستەر مەن تولىقتىرۋلار ەنگىزۋ تۋرالى” زاڭ جوبالارى دا قارالدى. تالقىلاۋ بارىسىندا زاڭ جوبالارىنا 50-گە جۋىق تۇزەتۋلەر ۇسىنىلىپ, وزگەرىستەر ەنگىزىلگەننەن كەيىن زاڭ جوبالارى ماجىلىسكە جىبەرىلدى.