ەلوردادا پاراليمپيادالىق جاتتىعۋ ورتالىعىندا ەرەكشە قاجەتتىلىگى بار جاندار اراسىندا «عاجايىپ جۇلدىزدار» شىعارماشىلىق بايقاۋى ءوتتى. ءىس-شارا قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا ءوتتى, دەپ حابارلايدى Egemen.kz.
شىعارماشىلىق سايىس 7 ساناتتا ءوتتى: ءان, بي (جەكە, توپتىق), ولەڭ, مۋزىكالىق اسپاپتاردا ويناۋ, مينياتيۋرا, stand-up, قولونەر.
بايقاۋعا قازاقستاننىڭ ءار وڭىرىنەن ەرەكشە فيزيكالىق قاجەتتىلىكتەرى بار 200-دەن استام ادام قاتىستى.
بايقاۋدىڭ ماقساتى – پاراليمپيادالىق قۇندىلىقتاردى تاراتۋ, ينكليۋزيۆتى قوعامداستىق قۇرۋ جانە مۇگەدەكتىگى بار جاندار اراسىندا تالانتتاردى انىقتاۋ. قازىلار القاسى ءار ساناتتاعى ۇزدىكتەردى انىقتادى. جەڭىمپازدارعا گراموتالار, مەدالدار, ءتۇرلى سىيلىقتار تاپسىرىلدى.
بايقاۋدى «كاسپي» سپورتتى دامىتۋ قورى ەسىل اۋدانى اكىمدىگىنىڭ قولداۋىمەن ۇيىمداستىردى.