وتكەن جىلدىڭ 18 جەلتوقسانىندا جامبىل وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتقا قىلمىستىق كودەكستىڭ «سەنiپ تاپسىرىلعان بوتەن مۇلiكتi يەلەنiپ الۋ نەمەسە ىسىراپ ەتۋ», «ادام ءولتiرۋ», «ۇرلىق» جانە «قارۋدى زاڭسىز بەرۋ, تاسىمالداۋ نەمەسە الىپ ءجۇرۋ» سەكىلدى باپتارمەن ايىپتالعان ت.الىبەكوۆ پەن «قارۋدى زاڭسىز ساقتاۋ, تاسىمالداۋ نەمەسە الىپ ءجۇرۋ» بابى بويىنشا ايىپتالعان ا.ق ۇلىبەكوۆكە قاتىستى قىلمىستىق ءىس ءتۇستى.
قىلمىستىق ىزگە ءتۇسۋ ورگانىنىڭ تەرگەۋ ناتيجەسى بويىنشا ت.الىبەكوۆ ءوزىنىڭ جاقىن تۋىسى ءارى جامبىل وبلىسى پروكۋراتۋراسىنىڭ قىزمەتكەرى ەرلان نوعايبەكوۆتىڭ ۇسىنىسى بويىنشا «حالىق بانكىنەن» دەپوزيتتىك شوت اشىپ, وعان ە.نوعايبەكوۆتىڭ جالپى سوماسى 19 900 اقش دوللارىن قۇرايتىن اقشاسىن سالىپ قويادى. بىراق ول وزىنە سەنىپ تاپسىرىلعان قارجىنى يەلەنىپ, ىسىراپ ەتۋ ماقساتىندا ۇرلىققا بارادى. الايدا, بۇل ە.نوعايبەكوۆكە ءمالىم بولىپ, ول تۋىسىنان شىعىندى وتەۋدى تالاپ ەتەدى. كونبەگەن جاعدايدا قىلمىستىق ىزگە ءتۇسۋ ورگانىنا شاعىمداناتىنىن ەسكەرتەدى.
مىنە, وسى كەزدەن باستاپ ت.ءالىبەكوۆ قىلمىستىق جاۋاپتىلىقتان جالتارۋ جانە قىلمىسىن جاسىرۋ ءۇشىن جوسپار قۇرىپ, ونى جۇزەگە اسىرۋدى ويلاستىرادى. ول ءۇشىن تانىسىنان ۇرلاپ العان قارۋمەن ە.نوعايبەكوۆتى پاتەرىندە اتىپ ولتىرەدى. اتقانىمەن قويماي, دەنەسىن پىشاقتاپ كەسكىلەيدى. پروكۋراتۋا قىزمەتكەرىنىڭ ولگەنىنە ابدەن كوزى جەتكەن ۋاقىتتا ونىڭ 140 000 تەڭگە اقشاسىن الىپ, تايىپ تۇرادى. قىلمىسىن جاسىرۋ ماقساتىندا نەشە ءتۇرلى ايلا-شارعىلارعا بارىپ, ە.نوعايبەكوۆتىڭ ۇيالى تەلەفونى ارقىلى ونىڭ قىزمەتتەستەرىنە «جۇمىسقا كەشىگىپ بارامىن», «مەنى ىزدەمەڭدەر» دەگەن سىقىلدى ءبىرنەشە سمس حابارلامالار جىبەرەدى. سول ارادا ادام ولتىرگەن قارۋىن جاسىرۋ جانە ونى ارى قاراي ساقتاۋ ماقساتىندا تانىسى ا.قۇلىبەكوۆكە بەرەدى. بىراق قاندىقول قاراقشى اۆتوبۋسقا وتىرىپ, الماتى قالاسىنا قاشىپ بارا جاتقان جەرىندە قولعا ءتۇستى.
ءسويتىپ, تۋىسقانىنىڭ اقشاسىن پايدالانىپ, ودان كەيىن ونى اتىپ ءولتىرىپ, قاشىپ كەتپەك بولعان تيمۋر الىبەكوۆتى جاقىندا جامبىل وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى تالعات سىرلىباەۆ 19 جىلعا باس بوستاندىعىنان ايىردى. دۇنيەسىن دە تاركىلەدى. قاندىقول قاراقشى ەندى جازاسىن قاتاڭ رەجىمدەگى كولونيادا وتەيتىن بولادى. سونداي-اق, سۋديا ت.سىرلىباەۆ مارقۇم ە.نوعايبەكوۆتىڭ وكىلىنىڭ پايداسىنا ت.الىبەكوۆ شىعىنداعان 3013756 تەڭگە مەن 2 000 000 تەڭگە مورالدىق زياندى وندىرۋگە دە ۇكىم ەتتى.
ال قاشىپ بارا جاتقان قانىشەردىڭ ادام ولتىرگەن قارۋىن الىپ قالعان ا.ق ۇلىبەكوۆ 1 جىلعا باس بوستاندىعىنان ايىرىلدى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.