بانگلادەشتە ءوتىپ جاتقان ساداق اتۋدان ازيا چەمپيوناتىندا قازاقستان قۇراماسى ءساتتى ونەر كورسەتۋدە. كەشە قىزدار اراسىنداعى كوماندالىق سىندا جەرلەستەرىمىز قولا جۇلدەگە قول جەتكىزدى.
قازاقستاننىڭ ۇلتتىق وليمپيادا كوميتەتىنىڭ مالىمەتى بويىنشا كلاسسيكالىق ساداق اتۋدان كوماندالىق جارىستا قازاقستان قىزدار كومانداسى ۇزدىكتەر قاتارىنان كورىندى. قۇرامىندا روكسانا يۋنۋسوۆا, ۆيكتوريا ليان جانە ديانا ماكارچۋك سىندى تاجىريبەلى سپورتشىلارى بار ءبىزدىڭ قۇراما كىشى فينالدا ءۇندىستان كومانداسىمەن كەزدەسىپ, تارتىستى وتكەن باسەكەدە 220:208 ەسەبىمەن جەڭىس تويىن تويلادى. وسىلايشا, قازاقستاندىقتار قۇرلىق دوداسىنىڭ قولا مەدالىن ولجالادى.
ال ەرلەر اراسىنداعى سىندا سانجار مۇساەۆ, يلفات ابدۋللين جانە داۋلەتكەلدى جاڭبىرباي جارىس قوجايىندارى – بانگلادەش كومانداسىنا 2:6 ەسەبىمەن جول بەردى.