ەلدىڭ سەنىمى بارىنەن قىمبات

«نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك جۇمىس ساپارىمەن پاۆلودار وبلىسىندا بولدى

كەشە جۇمىس ساپارى اياسىن­دا «نۇر وتان» پارتياسى ءتورا­عا­سىنىڭ ءبىرىنشى ورىنباسارى باۋىرجان بايبەك مۇمكىندىگى شەكتەۋلى جاندارعا ارنالعان بوس جۇمىس ورىندارى جارمەڭكەسىنە بارىپ, پارتيانىڭ پاۆلودار وب­لى­سىنداعى فيليالىنىڭ كەزەكتەن تىس XIV كونفەرەنتسياسىنا قاتىستى. ەلباسى, «نۇر وتان» پار­تيا­سىنىڭ توراعاسى ن.ءا.نازار­باەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حال­قى­نا ارناعان جولداۋىندا بەرگەن تاپسىرماسىنا سايكەس, «نۇر وتان» پارتياسى مۇمكىندىگى شەكتەۋلى جانداردى ەڭبەكپەن قام­تۋ جانە ءومىر ساپاسىن جاقسار­تۋ ماقساتىندا جۇمىس جۇرگىزۋدە. ال وبلىس ورتالىعىندا ءوت­كەن جارمەڭكەدە 70-كە جۋىق كا­سىپورىن 600-دەي جۇمىس ورىندارىن ۇسىندى. ونىڭ ىشىندە, 400-گە جۋىق مۇگەدەك جاندى وقىتىپ, جۇمىس تاۋىپ بەرۋ ماسەلەسى دە شەشىلمەكشى. ءبىزدىڭ وبلىستا 30 مىڭعا جۋىق مۇگەدەك بار. قيمىل-قوزعالىسىندا ازداعان قيىندىق بار دەمەسەڭىز, ولاردىڭ كوبى ەڭبەككە جارامدى ادامدار. وبلىستا بۇل كۇندەرى 1 مىڭ مۇگەدەك قانا جۇمىسپەن قام­تىل­عان. وڭىردەگى ءمۇم­كىندىگى شەكتەۋلى جانداردىڭ تەڭ جارتىسى اۋىلدىق جەرلەردە تۇرادى. وبلىستا «جۇمىسپەن قامتۋ-2020» جول كارتاسى باع­دارلاماسىنا قاتىسۋعا دا با­سىمدىق بەرىلگەن. وتكەن جىلى باعدارلاما شەڭبەرىندە 5,2 ملرد. تەڭگە ءبولىنىپ, 1257 ادام جۇمىسقا ورنالاستىرىلىپتى. ءسويتىپ, وبلىس ورتا­لى­عىن­داعى جۇمىس بەرۋشىلەر تارا­پىنان ۇيىمداستىرىلعان ءجار­مەڭكەگە جينالعانداردىڭ اراسىندا ىزدەگەن جۇمىسىن تاۋىپ, قۋا­نىپ قايتىپ جاتقاندار دا بولدى. ال, «نۇر وتان» پارتيا­سى جالپى ەلىمىز بويىنشا مۇمكىندىگى شەكتەۋلى 5000 ادامدى جۇمىسپەن قامتۋدى الدارىنا ماقسات ەتىپ قويىپتى. ب.باي­بەكتىڭ ايتۋىنشا, ءار وبلىس مۇمكىندىگى شەكتەۋلى 500 ادام­عا لايىقتى جۇمىس تاۋىپ بەرە السا, وندا بۇل ماقساتتىڭ ورىن­دالعانى دەۋگە بولادى. پارتيا ەلىمىزدەگى مۇمكىندىگى شەكتەۋدى جانداردى جۇمىسپەن قامتۋعا ايرىقشا ءمان بەرۋدە. ەلباسى جولداۋى ەندى ءبىزدىڭ قوعامنىڭ دا وركەنيەت تالاپتارىنا ساي مۇمكىندىك جاساپ, مۇگەدەك جانداردى دا قاتارعا قوسىپ, ورتاعا الۋعا شاقىرادى. بۇل جۇمىستارعا نۇروتاندىقتار ءوز ۇلەسىن قوسادى. سونداي-اق, پارتيا ءوز الدىنا مۇمكىندىگى شەكتەۋلى, دەنساۋلىعىندا مۇكىسى بار بالالار ءۇشىن ينكليۋزيۆتى ءبىلىم بەرۋدى كەزەك كۇتتىرمەس مىندەتتەردىڭ ءبىرى رەتىندە قويىپ وتىر. سوندىقتان دا, جۇمىس سا­پارىنىڭ العاشقى نىسانى دياگ­نوزى وتە اۋىر بالالارعا مە­ديتسينالىق-پسيحولوگيالىق جانە پەداگوگيكالىق تۇرعىدا كەشەندى كومەك كورسەتەتىن «سامال» وڭالتۋ ورتالىعى بولدى. ورتالىق قازاقستاننىڭ رە­كوردتار كىتابىنا وڭالتۋ جۇمىستارىنا تۇڭعىش رەت «عا­رىشتىق» كوستيۋمدەر تەحنو­لو­گيا­سىن پايدالانعان ورتا رەتىندە كىرىپ وتىر. جۇمىس جاساپ جاتقان شيرەك عاسىر ۋاقىتتان بەرى مۇن­دا 4,5 مىڭ بالا ەم-دوم الىپ, 10 تاربيەلەنۋشى وڭالتۋ مەن باۋلۋ ۇدەرىستەرىنەن كەيىن وسىندا زاڭگەر, ەسەپشى, پسيحولوگ, ەۆم وپەراتورى جانە ت.ب. ەسەبىندە جۇمىس اتقارىپ, قالىپ قويعان. بۇگىندە «نۇر وتان» پارتياسى «كەدەرگىسىز كەلەشەك» جوباسىن ىسكە اسىرۋدا. اتالعان جوبا اينالىسقا ەنگەن العاشقى ايدىڭ وزىندە 500-دەن اسا مۇگەدەك جان جۇمىسقا تۇرىپ ۇلگەردى. جامبىل وبلىسىنداعى بوس جۇمىس ورىندارى جارمەڭكەسىندە تاعى دا مۇمكىندىگى شەكتەۋلى 200 كىسى جۇ­مىسقا تۇردى. پاۆلوداردا پارتيا توراعا­سى­نىڭ ءبىرىنشى ورىنباسارى ءمۇ­گەدەك ازاماتتاردىڭ جۇ­مىس­­پەن قامتىلۋى بويىنشا وبلىس­تا قولعا الىنىپ جات­قان ءىس-شارالارمەن تانىسىپ, ءمۇم­كىندىگى شەكتەۋلى جاندار ءۇشىن ۇيىمداستىرىلعان جارمەڭكەگە قاتىسۋشىلارمەن جولىقتى. «ءبىز جىل سايىن 5 مىڭ ءمۇ­گە­دەك جاننىڭ جۇمىسقا ورنا­لاسۋىنا قول جەتكىزۋدى كوزدەۋ­دەمىز. بۇگىندە مەملەكەت, ازاماتتىق سەكتور, بيزنەس ءمۇم­كىن­دىگى شەكتەۋلى جانداردى بەل­سەندى الەۋمەتتىك ورتاعا تارتۋ ماسەلەسىن بىرلەسىپ شەشۋى كەرەك. پارتيا بۇل ۇدەرىستى ۇيلەستىرۋگە بارلىق رەسۋرستارىن جۇمسايتىن بولادى. پارتيا دوكتريناسىندا كورىنىس تاپقان قۇندىلىق – ىنتىماقتاستىق دەگەنىمىز وسى», دەپ اتاپ ءوتتى ب.بايبەك. جۇمىس ساپارى بارىسىندا پارتيا توراعاسىنىڭ ءبىرىنشى ورىنباسارى وبلىستىق جانە قالالىق ءماسليحاتتاردىڭ دەپۋتاتتارىمەن كەزدەسىپ, ءوڭىر­لەر­مەن بەينەكونفەرەنتسيا وتكىز­دى. ءىس-شارا بارىسىندا «نۇر وتان» فراكتسياسىنىڭ وڭىرلەر­دەگى جۇمىسىنىڭ كۇشەي­تىلۋى كەرەكتىگى باسا ايتىلىپ, پارتيانىڭ سايلاۋالدى تۇعىر­ناماسى ماسەلەلەرىنىڭ ساراپ­شى توپتار جيىندارىندا قارا­لاتىنى حابارلاندى. كۇننىڭ ەكىنشى جارتىسىندا ب.بايبەك پارتيانىڭ پاۆلودار وبلىسىنداعى فيليالىنىڭ كەزەكتەن تىس XIV كونفەرەنتسياسىنا قاتىستى. كەزدەسۋ بارىسىندا شاراعا قاتىسۋشىلارعا پارتيا توراعاسىنىڭ ءبىرىنشى ورىنباسارى قازىرگى تاڭدا وڭىرلەردەگى جۇمىسقا ايرىقشا كوڭىل ءبولىنىپ وتىرعاندىعىن اتاپ ءوتتى. اتاپ ايتقاندا, باستاپ ماقسات وڭىرلىك فيليالداردىڭ تيىمدىلىگىن ارتتىرۋ جانە قو­عامداستىقپەن جۇمىس جۇرگىزىپ, جەرگىلىكتى جەر­لەردەگى شىنايى احۋالدى مونيتورينگتەۋ ەكەندىگى كولدەنەڭ تارتىلدى. «ەلباسىنىڭ مەملەكەتتىك باعدارىن ءتيىمدى ىسكە اسىرۋ ءۇشىن پارتيا جوبالىق-ماقساتتىق ادىسكە نەگىزدەلگەن جاڭا جۇمىس پىشىنىنە كوشتى. ياعني, سوڭعى ناتيجە مەن ناقتى سايلاۋشىعا انىق باعدارلاۋ ماڭىزدى سانالادى. 1 ناۋرىزدا «نۇر وتان» پارتياسىنا 15 جىل تولادى. بۇل ەلىمىزدىڭ ءوسىپ-وركەندەۋى مەن ءاربىر قازاقستاندىقتىڭ ءال-اۋقاتىن ارتتىرۋعا باعىتتالعان ناقتى قولدانبالى ىستەردىڭ جى­لى بولادى», دەدى ب.بايبەك. سونداي-اق, كونفەرەنتسيادا پار­تيانىڭ پاۆلودار وبلىسى في­ليالىنىڭ توراعاسى بولىپ وبلىس اكىمى قانات بوزىمباەۆ ساي­لاندى. ب.بايبەك وبلىستىق في­ليال باسشىسىنا پارتيانىڭ جاڭا ۇلگىدەگى بيلەتىن تابىس ەتتى. فاريدا بىقاي, «ەگەمەن قازاقستان». پاۆلودار وبلىسى.