قر پرەمەر-ءمينيسترى اسقار مامين ەلدەگى 22 ۋنيۆەرسيتەتتى نازارباەۆ ۋنيۆەرسيتەتى ۇلگىسىنە كوشىرۋدى تاپسىردى, دەپ حابارلايدى Egemen.kz.
پرەمەر-مينيستر ۇكىمەت وتىرىسىندا ءبىلىم جانە عىلىم مينيسترلىگىنە بىرقاتار تاپسىرما بەردى.
ء«بىرىنشى. ءبىلىم بەرۋدى دامىتۋدىڭ 2025 جىلعا دەيىنگى تۇجىرىمداماسىندا جوعارى ءبىلىمنىڭ ساپاسىن قامتاماسىز ەتۋ بويىنشا ناقتى شارالار مەن ينديكاتوردى قاراستىرۋ قاجەت.
ەكىنشى. قارجى, ۇلتتىق ەكونوميكا جانە مۇددەلى مەملەكەتتىك ورگاندارمەن بىرلەسىپ, بيىلعى 22 قاراشاعا دەيىن جوعارى وقۋ ورىندارىنىڭ باسەكەگە قابىلەتتىلىگىن ارتتىرۋ بويىنشا 2021-2025 جىلدارعا ارنالعان جول كارتاسىن پىسىقتاپ, ۇكىمەتكە ەنگىزسىن», دەدى اسقار مامين.
سونداي-اق, ول پەتروپاۆل مەن شىمكەنتتە نازارباەۆ ۋنيۆەرسيتەتى ۇلگىسىندە 2 جوعارى وقۋ ورنىن اشۋعا قارجى قاراستىرۋ كەرەكتىگىن اتادى.
«مىقتى دەگەن 20 وڭىرلىك ۋنيۆەرسيتەتتى, پەتروپاۆل مەن شىمكەنتتە «نازارباەۆ ۋنيۆەرسيتەتى» ۇلگىسىندە 2 جوعارى وقۋ ورنىن اشۋدى قارجىلاندىرۋ ماسەلەسىن پىسىقتاۋ كەرەك. شەتەلدىك جانە قوسديپلومدى باعدارلامالاردى, وقىتۋشىلار مەن ستۋدەنتتەردىڭ اكادەميالىق ۇتقىرلىعىن دامىتۋ جۇمىسىن جالعاستىرۋ قاجەت», دەدى پرەمەر-مينيستر.
سونىمەن قاتار, ۇكىمەت باسشىسى ءبىلىم جانە عىلىم مينيسترلىگىنە مۇددەلى مەملەكەتتىك ورگاندارمەن بىرلەسىپ, عىلىم مەن جوعارى ءبىلىمنىڭ بىرىڭعاي تسيفرلىق پلاتفورماسىن قۇرۋدى پىسىقتاۋدى تاپسىردى.
بۇل جۇمىستىڭ ءبارىن باقىلاۋ ۆيتسە-پرەمەر ەرالى توعاجنوۆقا جۇكتەلدى.