تۇركىستاندا جەر الۋعا قۇجات راسىمدەپ بەرەمىن دەپ الاياقتىق جاساعان ەر ادام ۇستالدى, دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.
تۇلكىباس اپب-عا جەرگىلىكتى تۇرعىن ارىزدانىپ, تانىس ازامات جەرگە قۇجات جاساپ بەرەمىن دەپ 70 000 تەڭگە اقشاسىن الىپ, سان سوقتىرىپ كەتكەنىن كورسەتكەن. اتالعان جايتتى پوليتسيا قىزمەتكەرلەرى قر قك-ءنىڭ 190-بابى «الاياقتىق» بويىنشا تىركەۋگە العان.
جەدەل-تەرگەۋ توبىنىڭ شۇعىل ىزدەستىرۋ جۇمىستارىنىڭ ناتيجەسىندە تۇلكىباس اۋدانىنىڭ تۇرعىنىن انىقتاپ, ءتارتىپ ساقشىلارى ونى پوليتسيا بولىمىنە جەتكىزدى.
تەرگەۋ كەزىندە بەلگىلى بولعانداي, كۇدىكتى الداۋ جولىمەن العانىن مويىندادى. قازىرگى تاڭدا كۇدىكتى ەر ادامعا قاتىستى سوتقا دەيىنگى تەرگەپ-تەكسەرۋ امالدارى جۇرگىزىلۋدە.
پوليتسيا قىزمەتكەرلەرى تۇرعىندارعا كۇماندى قىزمەت ۇسىنعان كەز كەلگەن ادامعا سەنبەۋىن ەسكەرتەدى.