يتاليا استاناسى ريمدە قىرعىزستان ەلشىلىگىنىڭ رەسمي اشىلۋ سالتاناتى ءوتتى, دەپ حابارلادى Egemen.kz ورتالىق ازياداعى ەلدىڭ سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
قىرعىز رەسپۋبليكاسىنىڭ سىرتقى ىستەر ءمينيسترى رۋسلان قازاقباەۆتىڭ يتالياعا رەسمي ساپارى اياسىندا وتكەن ەلشىلىكتىڭ اشىلۋ سالتاناتىنا يتاليا سىرتقى ىستەر جانە حالىقارالىق ىنتىماقتاستىق ءمينيسترىنىڭ ورىنباسارى مارينا سەرەني دە قاتىستى.
ءىس-شاراعا يتاليانىڭ ءارتۇرلى قالالارىنان كەلگەن قىرعىز دياسپوراسىنىڭ جەتەكشىلەرى, قىرعىز ستۋدەنتتەرى جانە يتاليا ازاماتتارى دا كەلدى. قازاقباەۆ يتالياندىق تاراپقا جانە يتاليا سىرتقى ىستەر مينيسترلىگىنە قىرعىز رەسپۋبليكاسىنىڭ ەلشىلىگىن اشۋعا كورسەتكەن قولداۋى مەن كومەگى ءۇشىن العىسىن ءبىلدىردى.
يتاليا سىرتقى ىستەر ءمينيسترىنىڭ ورىنباسارى ءوز تاراپىنان ەكىجاقتى قارىم-قاتىناستاردى دامىتۋدىڭ جانە ونى جاڭا دەڭگەيگە شىعارۋدىڭ ماڭىزدىلىعىن اتاپ ءوتتى.