«Hype Fighting Championship» گران-ءپريى اياسىندا سەگىزبۇرىشقا شىققان قازاقستاندىق ارالاس جەكپە-جەك شەبەرى مۇراتبەك قاسىمباي مەن ازەربايجاندىق ەميل نوۆرۋزوۆ اراسىنداعى شايقاس اياقتالعاننان كەيىن ەكى سپورتشىنىڭ كومانداسى توبەلەسىپ قالدى, دەپ حابارلايدى Egemen.kz.
ەكى سپورتشى جارتىلاي فينالدىق كەزەڭدە جولىققان بولاتىن. ءۇش راۋندقا جوسپارلانعان جەكپە-جەكتە ازەربايجاندىق سپورتشى ۇپاي سانىمەن جەڭىسكە جەتتى. شايقاس اياقتالعاننان كەيىن ەكى سپورتشىنىڭ كومانداسى سەگىزبۇرىشتا جاعا جىرتىستى. ولارعا ءتىپتى كورەرمەندەر دە قوسىلىپ كەتتى. مۇراتبەك قاسىمباي تورەشىلەردىڭ شەشىمىمەن كەلىسپەيتىنىن اڭعارتتى. الايدا ۇيىمداستىرۋشىلار شەشىمدى وزگەرتكەن جوق.