«وڭتۇستiك قازاقستاندا «اسار» دەگەن شاعىن اۋداندا مەن ءوزiم بولدىم. ءۇي جانىندا جەر جانە جىلىجاي سالىنعان. ولار ءۇش جىلدىڭ iشiندە نەسيەنi قايتاراتىن بولادى. بۇل دەگەنiڭiز كەرەمەت نارسە!». تىكەلەي ەفير ارقىلى ەلمەن جۇزدەسۋدىڭ بىرىندە ەلباسى نۇرسۇلتان نازارباەۆ شىمكەنتتىڭ ىرگەسىندەگى «اسار» شاعىن اۋدانى تۋرالى وسىلاي دەپ اعىنان جارىلىپ ەدى. شىنىندا, «اسار» شاعىن اۋدانى ورىن تەپكەن جەر وسىدان بەس-التى جىل بۇرىن ايدالا بولاتىن دەسە, بۇگىندە ەشكىم سەنبەيتىن شىعار, ءسىرا!
بۇگىندە «اسار» شاعىن اۋدانى ىنتىماق-بىرلىگى جاراسقان ءبىر قاۋىم ەل بولىپ وتىر. جاقىندا «اسارعا» جولىمىز ءتۇستى. ادەمى ۇيلەر, ءتۇپ-ءتۇزۋ كوشە, ءار ءۇيدىڭ جانىنداعى شاعىن جىلىجايى بۇل شاعىن اۋدان تۇرعىندارىنىڭ تۇرمىستارىنىڭ باقۋاتتى ەكەنىن بايقاتاتىنى انىق. ساۋلەتتى دە ءساندى مەكتەبى مەن بالاباقشاسى بالالاردىڭ شات كۇلكىسىنە تولى. بالالاردىڭ بىلىمگە دەگەن قۇشتارلىقتارى ەرەكشە. تۇساۋى بىلتىر عانا كەسىلگەن وسىنداعى № 90 مەكتەپتىڭ وقۋشىلارى ءبىر جىلدىڭ ىشىندە ءبىراز جەتىستىكتەردى باعىندىرىپ ۇلگەرىپتى.
«قاشاندا دايىن تىرلىكتى جالعاستىرىپ كەتكەننەن, ءبارىن باسىنان باستاۋ وتە قيىن عوي, – دەيدى №90 جالپى ورتا مەكتەبىنىڭ ديرەكتورى ارمان شىمباي ۇلى ورىنبەكوۆ. – ءبىز وسى ءبىر جىلدىڭ ىشىندە تاجىريبەلى ۇستازداردىڭ باسىن جيناپ, بىلىكتى ۇجىم قۇرا بىلدىك. ارينە, ناعىز جۇمىس, ناعىز قيىندىقتىڭ ءبارى الدا عوي. قازىر بۇل مەكتەپتە 1180 وقۋشى ءبىلىم الىپ جاتىر. بيىل 84 تۇلەك ۇشىرعالى وتىرمىز. وقۋشىلارعا 104 مۇعالىم ساباق بەرەدى. ولار ءوز سالالارى بويىنشا وننان استام وقۋ-ادىستەمەلىك وقۋ قۇرالدارىن جازىپ, باسىپ شىعاردى. رەسپۋبليكالىق, حالىقارالىق دەڭگەيدە ءوتىپ جاتقان عىلىمي-پراكتيكالىق كونفەرەنتسيالارعا قاتىسىپ, ماقتاۋ قاعازدارىمەن ماراپاتتالۋدا.
اسارلىقتاردى قينايتىن ءبىر ماسەلە, شاعىن اۋدانىمىزدىڭ قالادان ءبىرشاما قاشىقتا ورنالاسۋى. وسىدان كەيىن ارينە, وقۋشىلاردىڭ ءتۇرلى ۇيىرمەلەرگە, سپورتتىق سەكتسيالارعا قاتىسۋى قيىن بولىپ تۇر. ولار قالاعا بارىپ كەلەمىن دەگەنشە كوپ ۋاقىت جوعالتادى. وسى ماقساتتا شىمكەنت قالاسىنىڭ اكىمى قولداپ, «اۋلا كلۋبتارى» باعدارلاماسى نەگىزىندە ءبىراز ۇيىرمەلەر اشىلدى. مۇنى ۇيىمداستىرۋدا شىمكەنت قالالىق ءبىلىم ءبولىمىنىڭ باسشىسى ج.تاجيەۆانىڭ ەڭبەگى زور بولدى. سپورت سالاسىندا وقۋشىلىرىمىزدىڭ قول جەتكىزگەن جەتىستىكتەرى دە ايتارلىقتاي. بۇگىنگى كۇنگە دەيىن ولار قالا, وبلىس, رەسپۋبليكا جانە حالىقارالىق دەڭگەيدە وتكەن جۇزدەن استام سپورتتىق سايىستارعا قاتىسىپ, جۇلدەلى ورىندارعا قول جەتكىزدى. جۋىردا عانا تاەكۆوندو ۇيىرمەسىنە قاتىسىپ جۇرگەن 10-سىنىپ وقۋشىسى ايگەرىم اشىربەكوۆا كورەيا ەلىندە وتكەن حالىقارالىق جارىستا 1-ورىن الىپ كەلدى. «تون جاعاسىز, ەل اعاسىز بولمايدى» دەمەكشى «اق وردا» كورپوراتسياسى قولداۋ كورسەتىپ, 600 مىڭ تەڭگەگە مۋزىكالىق اسپاپ پەن 100 مىڭ تەڭگەگە سپورتتىق قۇرال-جابدىقتار الىپ بەردى. ودان بولەك قالادان قاتىناپ وقيتىن وقۋشىلار ءۇشىن ءبىر «گازەل» كولىگىن جۇرگىزۋشىسىمەن ءبولدى. ارينە, وسىنداي جاناشىر جانداردىڭ قولداۋى ۇجىمنىڭ شىعارماشىلىق ىزدەنىسىنە ۇلكەن شابىت بەرگەنى انىق».
ءيا, جاڭا ۇجىمنىڭ از ۋاقىتتا قول جەتكىزگەن تابىستارى ماقتانىپ ايتۋعا تۇرارلىق. بيىلعى ۇبت-نىڭ قورىتىندىسى بويىنشا № 90 جالپى ورتا مەكتەبى شىمكەنت قالاسى بويىنشا ءبىرىنشى ورىندى يەمدەنىپ, قالا اكىمىنىڭ العىس حاتىمەن ماراپاتتالدى.
«تاعى ءبىر ايتارىم, بۇگىنگى كۇننىڭ شەشىمىن تابۋدا كەزەك كۇتتىرمەيتىن وزەكتى ماسەلەلەردىڭ ءبىرى – جاستاردىڭ جات ءدىني اعىمدارعا كىرىپ كەتۋى. مەنىڭ ويىمشا, ءدىن قىزمەتكەرلەرى ءوز ۋاعىزدارىن, شاريعات قاعيداتتارىن عىلىممەن بايلانىستىرا وتىرىپ تۇسىندىرسە, ءويتكەنى, بۇگىنگى كۇنى عالىمدار اشقان جاڭالىقتار قاسيەتتى كىتابىمىزدا الدەقاشان باياندالىپ قويعانى بەلگىلى. مەكتەپتىڭ ماقساتى ءبىلىم بەرۋمەن بىرگە, ەڭ الدىمەن تۇلعانى قالىپتاستىرۋ, ءوز ەلىنىڭ ازاماتىن تاربيەلەپ شىعارۋ. سوندىقتان ءدىنتانۋ ساباعىن دا عىلىمي پرينتسيپتەرگە نەگىزدەپ ءتۇسىندىرۋ كەرەك دەپ ويلايمىن. «بالا دەگەن جاس شىبىق, قالاي قاراي يسەڭ, سولاي مايىسادى» دەگەن ءسوز بەكەر ايتىلماعان. جاڭا وقۋ جىلىنان باستاپ ەڭبەك ءپانىنىڭ ءبىر ساعاتىن قىسقارتىپ تاستادى. مەنىڭشە ەڭبەك ساباعىنىڭ قالعان ءبىر ساعاتىندا وقۋشىلار ەشتەڭە جاساپ ۇلگەرە المايدى. ءبىزدىڭ مەكتەپتىڭ وقۋشىلارى شەبەرحانادا شاحمات تاقتالارىن, استاۋ, كۇبى, بەسىكتى وزدەرى قولمەن جاسادى. بۇل جاستاردى ەڭبەككە باۋلۋ, شەبەرلىگىن ارتتىرۋ ەمەس پە؟» دەيدى №90 جالپى ورتا مەكتەبىنىڭ ديرەكتورى ارمان ورىنبەكوۆ.
«ۇستازى جاقسىنىڭ – ۇستامى جاقسى» دەگەن, اسىل مۇراتتارعا تولى ەگەمەندىكتىڭ ارقاسىندا ەلگە ەل قوسىلىپ, ىرگەسى كەڭىپ جاتقان «اسار» شاعىن اۋدانىندا مىنە, وسىنداي جاستار ءوسىپ كەلەدى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
سۋرەتتە: № 90 مەكتەپ ديرەكتورى ارمان ورىنبەكوۆ.