قوستاناي وبلىسى اۋليەكول اۋدانىنداعى «قازپوشتا» اق اقشاسىن ۇرلاعاندار قولعا ءتۇستى. بۇل تۋرالى قوستاناي وبلىستىق سوتىنىڭ سايتى حابارلادى.
كۇدىكتىلەر جوعارىدا اتالعان وڭىردەگى «قازپوشتانىڭ» ارنايى بولمەسىندەگى 9 563 182 تەڭگەنى ۇرلاعان. ۇستالعانداردىڭ ەكەۋى دە ەش جەردە جۇمىس ىستەمەيدى. قازىر قۇقىق قورعاۋ قىزمەتكەرلەرى ولاردىڭ باسقا دا قىلمىسقا قاتىسى بارىن تەكسەرۋ ۇستىندە. قىلمىستىق كودەكستە مۇنداي قىلمىسقا 5-10 جىلدان باس بوستاندىعىنان ايىرۋ جازاسى قاراستىرىلعان.
قازىر ايىپكەرلەر ۋاقىتشا وقشاۋلاعىشتا وتىر. جاقىن ارادا ولارعا قاتىستى سوت پروتسەسى باستالاتىن بولادى.
ءامىرحان الماعانبەتوۆ.
دەرەككوز: قوستاناي وبلىستىق سوتى.
فوتو: 1Tv.ru.