*الماتى قالاسىندا تمد حالىقتارى مادەنيەتىنىڭ فەستيۆالى باستالدى. شارا اياسىندا ۇلتتاردىڭ ءتول مادەني مۇراسى تۋرالى دەرەك ايتىلىپ, قولونەر بۇيىمدارىنا ارنالعان كورمە وتكىزىلەدى.
*شىعىس قازاقستان وبلىسىندا «ريددەر – وسكەمەن» جانە «وسكەمەن – ريددەر» باعىتىنداعى تۋريستىك تەمىرجول مارشرۋتى ىسكە قوسىلدى. سونىڭ نەگىزىندە جەرگىلىكتى وڭىرگە كەلەتىن ساياحاتشىلار قاتارى ارتتى.
*بيىل شىمكەنت قالاسىندا 36 كاسىپورىن پايدالانۋعا بەرىلىپ, 3257 جاڭا جۇمىس ورنى اشىلدى. ال الداعى مەرزىمدە «وڭتۇستىك» يندۋستريالىق ايماعىندا قۇنى 45,0 ملرد.تەڭگەنى قۇرايتىن 59 جوبانى ىسكە قوسۋ جوسپارلانعان.
*تاراز قالاسىندا 2 مىڭنان اسا ادام قاتىسقان پاتريوتتىق فورۋم ءوتتى. وندا «ماڭگىلىك ەل» يدەياسىنىڭ ماڭىزى ءسوز ەتىلدى.
*اقتاۋ قالاسىندا تۇرىكمەنستان كونسۋلدىعى اشىلدى. وسى ارقىلى ماڭىزدى ماسەلەلەردى بىرلەسىپ شەشۋگە نەگىز قالانىپ وتىر.
*قوستاناي وبلىسىندا بيىلعى جىلدىڭ كوكتەم ايىندا «Toyota» كولىگى شىعارىلادى. بۇل ءىستى ءوز مىندەتىنە العان «سارىارقااۆتوپروم» جشس قازىردەن باستاپ ازىرلىكتى باستاپ كەتتى.
*باتىس قازاقستان وبلىسىنىڭ اقجايىق اۋدانىندا اۋىل اكىمدەرى مەملەكەتتىك باعدارلامالار بويىنشا سىناق تاپسىردى. ولاردىڭ اراسىندا 14 اكىمنىڭ ءبىلىم دەڭگەيى جوعارى باعالاندى.
*ماڭعىستاۋ وبلىستىق حالىققا قىزمەت كورسەتۋ ورتالىعى يگىلىكتى باستامانى قولعا الدى. ونداعى قىزمەتكەرلەر مۇمكىندىگى شەكتەۋلى ازاماتتاردىڭ تاپسىرىس بەرگەن قۇجاتتارىن ۇيلەرىنە اپارىپ بەرۋدە.
Egemen.kz حابارلارى مەن وبلىستىق اكىمدىكتەر سايتتارىنىڭ ماتەريالدارى بويىنشا دايىندالدى.