فۋتزالدان ۋەفا چەمپيوندار ليگاسىنىڭ جاڭا ماۋسىمداعى نەگىزگى كەزەڭنىڭ ىرىكتەۋ ويىندارى اياقتالدى. بۇل سىندا قازاقستاننىڭ ەكى كومانداسى – «قايرات» پەن «اتىراۋ» باق سىناعان بولسا, تەك ءبىرىنشىسى عانا ءتۋرنيردىڭ كەلەسى ساتىسىنا جولداما الدى. ا توبىنىڭ ەكىنشى سەبەتىندە ورنالاسقان الماتىنىڭ «قايراتى» ءۇش ويىننىڭ بىرەۋىندە جەڭىسكە جەتىپ, ەكى ويىندا قارسىلاستارىمەن تەڭ وينادى. ال ايتۋلى دوداعا تۇڭعىش رەت قاتىسقان «اتىراۋ» بارلىق ويىندا جەڭىلىپ قالدى.
وسىلايشا, چەمپيوندار ليگاسىنىڭ ىرىكتەۋ كەزەڭىنە 18 رەت قاتىسىپ, رەكورد ورناتقان «قايرات» بيىل دا اتالعان ءتۋرنيردىڭ نەگىزگى كەزەڭىندە ويناۋعا مۇمكىندىك الدى. توپتىق ءتۋرنيردىڭ ءبىرىنشى ويىنىندا چەحيانىڭ «پلزەن» ۇجىمىمەن 3:3 ەسەبىمەن تەڭ ويناعان «قايرات» ەكىنشى تۋردا رەسەيدىڭ «تيۋمەن» كلۋبىمەن شەبەرلىك بايقاستى. كەزدەسۋدە 1:3 ەسەبىمەن جەڭىلىپ جاتقان جەرلەستەرىمىز ماتچتىڭ سوڭعى مينۋتتارىندا تارازى باسىن تەڭەستىرىپ, جەڭىلىستەن امان قالدى. ءسويتىپ الماتىلىق كلۋب ەكىنشى كەزدەسۋىندە دە 3:3 ناتيجەسىمەن تەڭ ءتۇستى. «تيۋمەنمەن» وتكەن ويىندا كاكا شاكىرتتەرىنەن داۋرەن تۇرساعۇلوۆ, ەدسون مەن ۆيتاو مەرگەندىگىمەن كوزگە تۇسكەنىن ايتا كەتەيىك.
ال سوڭعى شەشۋشى كەزدەسۋدە «قايرات» يتاليانىڭ «پەزارو» كومانداسىمەن كەزدەستى. ويىننىڭ ەسەبىن كەزدەسۋدىڭ 7-مينۋتىندا يتاليا كلۋبىنىڭ وكىلى فەليپە تونيداندەل اشتى. ارادا 10-مينۋت وتكەندە داۋرەن تۇرساعۇلوۆ ءبىر گولمەن جاۋاپ قايىرسا, 27-مينۋتتا ەكىنشى مارتە قاقپانى ءدال كوزدەپ, دۋبل اۆتورى اتاندى. ال 34-مينۋتتا يتاليالىق كلۋبتان ادولفو سالاس مەرگەندىك تانىتىپ, تارازى باسىن تەڭەستىردى. بىراق يتاليالىق جانكۇيەرلەردىڭ قۋانىشى ۇزاققا سوزىلمادى. كوپ ۋاقىت وتپەي «قايرات» ويىنشىسى ديەگو فاۆەرو قايتادان كومانداسىن العا شىعاردى. ماتچ اياقتالعانشا تابلوداعى وسى ەسەپ ساقتالىپ, «قايرات» 3:2 ەسەبىمەن جەڭىسكە جەتتى. الماتىلىق ۇجىم الدىڭعى ەكى ويىندا ەكى ۇپاي يەلەنگەنىنە قاراماستان, سوڭعى ماتچتاعى جەڭىسىنىڭ ارقاسىندا ءوز توبىندا ءبىرىنشى ورىن الدى. ەكىنشى جانە ءۇشىنشى ورىندارعا جايعاسقان «پلزەن» (چەحيا) جانە «تيۋمەن» (رەسەي) كلۋبتارى دا جارىستىڭ كەلەسى ساتىسىنا شىقتى.
ال ەكىنشى توپتا سىنعا تۇسكەن قازاقستاندىق «اتىراۋ» كلۋبى ءۇش ويىننىڭ ۇشەۋىندە دە جەڭىلىپ, چەمپيوندار ليگاسىنىڭ ەليتالى كەزەڭىنە شىعا المادى. ءبىرىنشى ويىندا سلوۆەنيانىڭ «دوبوۆەتسىنەن» 1:2 ەسەبىمەن جەڭىلگەن جەرلەستەرىمىز كەيىنگى ەكى ماتچتا ءىرى ەسەپپەن ۇتىلدى. ەكىنشى تۋردا اتالعان ءتۋرنيردىڭ قازىرگى چەمپيونى – پورتۋگاليانىڭ «سپورتينگ» كلۋبىنا 1:8 ەسەبىمەن جول بەرسە, سوڭعى تۋردا فرانتسيانىڭ «انەر ۆيلنەۆ 92» كومانداسىنان 0:6 ەسەبىمەن ۇتىلدى.
ايتا كەتەيىك, ەليتالى كەزەڭنىڭ جەرەبە تارتۋ ءراسىمى
3 قاراشادا وتەدى.