قۇرلىقتىق حوككەي ليگاسىندا (قحل) باق سىناپ جاتقان ەلوردانىڭ «بارىسى» سىرت ايدىندا وتكەن ەكىنشى ويىنىندا دا جەڭىسكە جەتتى. العاش ۆلاديۆوستوكتىڭ «ادميرالىن» 4:1 ەسەبىمەن جەڭسە, بۇل جولى حاباروۆسكىنىڭ «امۋرىن» 1:0 ناتيجەسىمەن قاپى قالدىردى.
قحل-دىڭ كەيىنگى ويىندارىندا قاتارىنان ءتورت ماتچتا جەڭىلىپ, جانكۇيەرلەرىن وكپەلەتىپ العان «بارىس» وسىلايشا ەڭسە تىكتەپ كەلەدى. «پلاتينۋم ارەنا» ارەناسىندا وتكەن كەزدەسۋدىڭ ءبىرىنشى كەزەڭىندە كوماندالار ءبىر-ءبىرىنىڭ قاقپاسىنا گول سوعا المادى. ۇزىلىستەن كەيىن ەرەكشە كۇش-جىگەرمەن مۇزايدىنعا شىققان يۋري ميحايليس شاكىرتتەرى 32-مينۋتتا ەسەپتە العا شىقتى. «بارىس» ساپىنان كيريلل ساۆيتسكي مەرگەندىگىمەن كوزگە ءتۇستى. ال ءۇشىنشى كەزەڭدە تابلوداعى ەسەپ وزگەرگەن جوق.
وسىلايشا, قاتارىنان ەكىنشى ويىندا جەڭىسكە جەتكەن «بارىس» «شىعىس» كونفەرەنتسياسىندا 7-ورىنعا كوتەرىلدى.