جاقىندا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە «ماڭگىلىك ەل» جاستار قوزعالىسىنىڭ 1-ءشى رەسپۋبليكالىق سلەتى ءوتتى. جاستار ەلباسىمىز ن.ءا.نازارباەۆتىڭ «ماڭگىلىك ەل» ۇلتتىق يدەياسىنان رۋح الىپ, مەملەكەت باسشىسىنىڭ ۇسىنىسىن قولداۋ ءۇشىن جاستار قوزعالىسىن قۇرۋ تۋرالى باستاما كوتەردى. بۇل ءىس-شاراعا ەلىمىزدىڭ 30 جوعارى وقۋ ورنىنان 700-گە جۋىق دەلەگات قاتىستى.
قوزعالىستىڭ باستى ماقساتى – تەڭدىك پەن بوستاندىق تۋرالى حالقىمىزدىڭ ارماندارىنا, ۇلتتىق بىرلىك پەن تولەرانتتىلىققا نەگىزدەلگەن جاڭا قازاقستاندىق ءپاتريوتيزمنىڭ دامۋى مەن قالىپتاسۋىنا باعىتتالعان تۇڭعىش پرەزيدەنت ن.ءا.نازارباەۆتىڭ ساياسي باعىتىن قولداۋ جانە قازاقستان جاستارىن ۇلتتىق يدەيا توڭىرەگىنە بىرىكتىرۋ.
سلەت جۇمىسىندا «ماڭگىلىك ەل» جاستار قوزعالىسىنىڭ 1-ءشى رەسپۋبليكالىق سلەتىنە قاتىسۋشىلاردىڭ مانيفەسى مەن قارارى قابىلداندى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.