قازاقستاندىق, 21 جاستاعى بەيبىت جۇقاەۆ «داۋلەت» تەننيس ورتالىعىندا ITF World Tennis Tour M 25 سەرياسى بويىنشا ءوتىپ جاتقان جارىستىڭ شيرەك فينالىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
بەيبىت جۇقاەۆ ەكىنشى اينالىمدا وتانداسى گريگوري لوماكينمەن باق سىناستى. اقتاۋ تەننيس مەكتەبىنىڭ تۇلەگى 1 ساعات 8 مينۋتقا سوزىلعان ماتچتا 6:2, 6:3 ەسەبىمەن جەڭىسكە جەتتى. ب.جۇقاەۆ باسەكە بارىسىندا 10 ەيس جاساپ, 9 برەيك-پوينتتىڭ ۇشەۋىن پايدالاندى.
بەيبىت جارتىلاي فينالعا شىعۋ ءۇشىن كانادالىق فيليپپ پەليۆومەن ماتچ وتكىزەدى. ءبىر اپتا بۇرىن قازاقستاندىق تەننيسشى العاشقى اينالىمدا وسى سپورتشىعا 1:6, 6:2, 6:7 (3:7) ەسەبىمەن ەسە جىبەرگەن. دەگەنمەن بەيبىت جۇقاەۆ سول تۋرنيردە رەسەيلىك اندرەي كۋزنەتسوۆپەن بىرگە جۇپتىق سىندا جەڭىمپاز اتانعان ەدى.
تاعى ءبىر قازاقستاندىق دەنيس ەۆسەەۆ ەلوردا دوداسىنىڭ ەكىنشى اينالىمىندا پولياك ميحال دەمبەكتەن 4:6, 4:6 ەسەبىمەن جەڭىلدى.