قاسىم-جومارت توقاەۆ 24-25 قازاندا تۇرىكمەنستانعا مەملەكەتتىك ساپارمەن بارادى

ساپار بارىسىندا ەكى ەل باسشىلارى شاعىن جانە كەڭەيتىلگەن قۇرامدا كەلىسسوزدەر جۇرگىزەدى دەپ جوسپارلانعان. كەلىسسوزدەردە ساۋدا-ەكونوميكالىق, كولىك-ترانزيتتىك جانە مادەني-گۋمانيتارلىق سالالارداعى قازاقستان مەن تۇرىكمەنستاننىڭ ستراتەگيالىق سەرىكتەستىگىن نىعايتۋدىڭ پەرسپەكتيۆالارى قاراستىرىلماق.   سونىمەن قاتار وڭىرلىك كۇن تارتىبىندەگى وزەكتى ماسەلەلەر جونىندە پىكىرلەر ورتاعا سالىنادى. ساپار قورىتىندىسى بويىنشا بىرقاتار ەكىجاقتى قۇجاتقا قول قويىلادى دەپ كۇتىلۋدە.